പത്തനംതിട്ട കൊടുമണ്ണിൽ ക്ഷേത്രത്തിൽ മോഷണം നടത്തിയ ആൾ പോലീസിൻ്റെപിടിയിലായി

കൊടുമൺ പോലീസ് സ്റ്റേഷൻ പരിധിയിൽ ശണ്ഠനല്ലൂർ ഇടിഞ്ചിറ ദേവി ക്ഷേത്രത്തിലെ കെടാവിളക്ക് ഉൾപ്പെടെ അഞ്ച് തൂക്കു വിളക്കുകൾ മോഷണം ചെയ്ത ആളെ കൊടുമൺ പോലീസ് അറസ്റ്റ് ചെയ്തു. കൊടുമൺ ഇടത്തിട്ട എന്ന സ്ഥലത്ത് മടുക്ക വിളയിൽ വീട്ടിൽ അജിത്ത് (50) എന്ന ആളാണ് പിടിയിലായത്. ഞായറാഴ്ച രാത്രി 8:30 മണിയോടെ ഇടിഞ്ചിറ ദേവീക്ഷേത്രത്തിൽ നിന്നും ചാക്കുകെട്ടുമായി പോകുന്നതായി കണ്ട ആളെ നാട്ടുകാർ തടഞ്ഞു നിർത്തുകയും കുടുംബം പോലീസ് സ്ഥലത്തെത്തി ഇയാളെ കസ്റ്റഡിയിൽ എടുക്കുകയും ആയിരുന്നു. ചാക്ക് തുറന്നു പരിശോധന പോലീസിന് ഇടിഞ്ചിറ ദേവീക്ഷേത്രത്തിലെ കെടാവിളക്ക് ഉൾപ്പെടെ 5 വലിയ തൂക്കു വിളക്കുകൾ കാണാൻ കഴിഞ്ഞു. തുടർന്ന് കൊടുമൺ പോലീസ് ക്ഷേത്ര ജീവനക്കാരിയുടെ മൊഴി രേഖപ്പെടുത്തി കേസ് രജിസ്റ്റർ ചെയ്യുകയും പ്രതിയെ കോടതിയിൽ ഹാജരാക്കി റിമാൻഡ് ചെയ്യുകയും ആയിരുന്നു. ഇൻസ്പെക്ടർ എസ് എച്ച് ഒ ശ്രീലാൽ ചന്ദ്രശേഖരൻ , എസ് ഐ ജിനു ജെ യു , സി പി ഒ മാരായ തോമസ് .ജെ, സാബു എന്നിവരാണ് അന്വേഷണസംഘത്തിൽ ഉണ്ടായിരുന്നത്.