തൊഴിലുറപ്പ് തൊഴിലാളികൾ
വീണ്ടും സമര മുഖത്തിറങ്ങേണ്ട സ്ഥിതിയാണ്.
വി.ബി.ജി. റാംജി എന്ന കരിനിയമം
ഈ പദ്ധതി ഇല്ലാതാകുന്നതിന് ഇടയാക്കും.
ജൂലായ് 1 മുതൽ പുതിയ മാർഗരേഖ പ്രകാരം തൊഴിൽ ലഭിക്കുമെന്ന് യാതൊരു ഉറപ്പുമില്ല.
ഒരു പഞ്ചായത്തിലും എന്ത് ചെയ്യണ മെന്ന് ഒരു വ്യക്തതയുമില്ല.
60% വിഹിതം കേന്ദ്രമാണ് വക്കുന്നത്.
40% സംസ്ഥാനവും വഹിക്കണമെന്നാണ് പുതിയ നിയമം.
മുമ്പ് 90% വും കേന്ദ്രവിഹിതമായിരുന്നു.
125 ദിവസം ജോലി നൽകുമെന്ന് പറഞ്ഞ
കേന്ദ്ര സർക്കാർ
25 ദിവസം ജോലി ലഭിക്കാനുള്ള തുക പോലും അനുവദിച്ചിട്ടില്ല..
കേരളത്തിന് ഏകദേശം
3300 കോടി മാത്രം
സംസ്ഥാനമാകട്ടെ 2250 കോടി യെങ്കിലും വക്കണം.
യു ഡി എഫ് സർക്കാർ 1400 കോടി മാത്രമേ ബഡ്ജറ്റിൽ പറയുന്നുള്ളു…
പഞ്ചായത്തിൽ പോയി അപേക്ഷ കൊടുത്ത് 15 ദിവസത്തിനുള്ളിൽ ജോലി കിട്ടുന്നതായിരുന്നു മുൻ വ്യവസ്ഥ.
ഏതൊക്കെ പ്രവൃത്തികൾ ഏറ്റെടുക്കാൻ കഴിയുമെന്നത് പഞ്ചായത്തിന് തീരുമാനിക്കാമായിരുന്നു എന്നതും മാറുന്നു. ഇനി അതുംകേന്ദ്രം നിശ്ചയിക്കുന്ന സമിതി തീരുമാനിക്കും.
പുതിയ നിയമമനുസരിച്ച് കഠിനാധ്വാന സ്വഭാവമുള്ള ജോലികളും,
സാധന ഘടകങ്ങൾ മാത്രംഉപയോഗിച്ച് ചെയ്യാവുന്ന പ്രവൃത്തികൾ ആണ് ഏറെയും .
ഫലത്തിൽ കരാർകാർ തൊഴിലുറപ്പും കയ്യടക്കും.
വേറെയും ഒരു പാട്
ചതിക്കുഴികൾ ഈ നിയമത്തിലുണ്ട്.
ഏറവും കൂടുതൽ തൊഴിൽ നൽകിയിരുന്നകേരളത്തിലെ ഗ്രാമങൾ
വികസിതമായ നഗര തുല്യമെന്ന മാനദണ്ഡത്തിൽ പെടുത്തി തൊഴിലുറപ്പ് ഒഴിവാക്കി ഇല്ലാതാക്കാനും പുതിയ നിയമത്തിൽ വ്യവസ്ഥയുണ്ട്.
കാർഷികവൃത്തിയിലെ പല പ്രവൃത്തികളും
ലൈഫ് ഉൾപ്പെടെ ഗുണഭോക്താക്കളേയും പുതിയ പദ്ധതി ഒഴിവാക്കി.
125 ദിവസം ജോലി കൊടുക്കാൻ കേന്ദ്രം 4ലക്ഷം കോടി രൂപയെങ്കിലും വച്ചാലെ തൊഴിൽ നൽകാനാവൂ എന്നിരിക്കേ എങ്ങനെയാണ്78000 കോടി രൂപക്ക് തൊഴിൽ നൽകാനാകുന്നത്..
സംസ്ഥാനങൾ ആനുപാതികമായി
40% വക്കുകയും വേണം.
മുൻകൂട്ടി വച്ചാലെ കേന്ദ്രം പണം തരൂ.
എന്നാൽ എല്ലാ കാര്യത്തിലുമെന്ന പോലെ ബിജെപി നേതൃത്വം നൽകുന്ന കേന്ദ്ര സർക്കാരുമായി സന്ധിചെയ്ത് മതിയായ പണം വക്കാതെ മുമ്പോട്ട് പോവുകയാണ് കേരള സർക്കാർ.
കേരളത്തിൽ
തൊഴിലുറ പ്പിനെ സംരക്ഷിച്ച്
പരമാവധി പേർക്ക്തൊഴിൽ നൽകാനും
100 ദിവസം ജോലി ലഭിച്ചവർക്ക് ഓണക്കാലത്ത് 1200 രൂപ നൽകിയതും, ഇൻഡ്യയിലാദ്യമായി
മഹാത്മാഅയ്യ ങ്കാളി നഗരതൊഴിലുറപ്പ് പദ്ധതി നടപ്പാക്കിയതും, ക്ഷേമനിധി നടപ്പാക്കിയതും കേരളത്തിലെ പിണറായി വിജയൻ നേതൃത്വം നൽകിയ
എൽഡിഎഫ് സർക്കാർ ആയിരുന്നു എന്നത്
പ്രത്യേകം ഓർക്കണ്ടതുണ്ട്.
എന്നാൽ ഇക്കാര്യത്തിലെല്ലാം നയപ്രഖ്യാപനം മുതൽ ബഡ്ജറ്റ് വരെ
യുഡിഎഫ് സർക്കാർ ബോധപൂർവമായ മൗനത്തിലാണ്.
ഈ ഘട്ടത്തിൽ സമരമല്ലാതെ തൊഴിലുറപ്പ് തൊഴിലാളികൾക്ക് മാർഗമില്ല.
വി. ബി.ജി. റാംജി കരിനിയമത്തിന്റെ മറവിൽ തൊഴിലുറപ്പിനെ തകർക്കുന്ന
കേന്ദ്ര – സംസ്ഥാന സർക്കാരുകളുടെ സമീപനം തിരുത്തണമെന്നും
ഏറ്റവും പാവപ്പെട്ടരായ തൊഴിലുറപ്പ് തൊഴിലാളികൾക്ക്
ജൂലായ് 1 മുതൽ 125 ദിവസം ജോലി നൽകണമെന്നും ആവശ്യപ്പെട്ട്
എൻ ആർ ഇ ജി വർക്കേഴ്സ് യൂണിയൻ നാറാണംമൂഴി പഞ്ചായത്ത് കമ്മറ്റിയുടെ നേതൃത്വത്തിൽ നാറാണംമൂഴി പോസ്റ്റ്ഓഫീസ് ധർണ സി പി ഐ ( എം )ഏരിയ കമ്മറ്റി അംഗം എസ് ആർ സന്തോഷ് കുമാർ, ലോക്കൽ സെക്രട്ടറി മിഥുൻ മോഹൻ എൻ ആർ ഇ ജി പഞ്ചായത്ത് സെക്രട്ടറി മഞ്ജു വിനോദ്, പ്രസിഡന്റ് തങ്കമ്മ രാജേന്ദ്രൻ, എൽ സി മെമ്പർമാരായ ഷിബിൻ രാജ്, അമൽ വിക്രം, വത്സമ്മ പുരുഷോത്തമൻ എന്നിവർ സംസാരിച്ചു
റാന്നിയിൽവീട്ടിൽ ഒറ്റയ്ക്കായിരുന്ന സ്ത്രീയെ വീട്ടിൽ അതിക്രമിച്ച് കയറി മാനഭംഗപ്പെടുത്താൻ ശ്രമിച്ച കേസിൽ ഒരാളെ റാന്നി പോലീസ് അറസ്റ്റ് ചെയ്തു. റാന്നി കരികുളം മുക്കാലുമൺ പുന്നക്കാട്ട് വീട്ടിൽ ഗിരീഷ് തങ്കപ്പൻ (37) എന്നയാളാണ് റാന്നി പോലീസിന്റെ പിടിയിലായത്. മധ്യവയസ്കയായ സ്ത്രീ മാത്രമുള്ള വീട്ടിൽ അതിക്രമിച്ചു കയറി പീഡിപ്പിക്കാൻ ശ്രമിക്കുകയും വസ്ത്രം ഉൾപ്പെടെ വലിച്ചുകീറുകയും ചെയ്തു എന്നതാണ് കേസ്. ശനിയാഴ്ച രാവിലെ എട്ടരയോടെയാണ് പ്രതി ഇത്തരത്തിൽ അക്രമം നടത്തിയത്. കേസ് രജിസ്റ്റർ ചെയ്ത റാന്നി പോലീസ് അന്വേഷണം നടത്തി വളരെ വേഗം പ്രതിയെ പിടികൂടി. റാന്നി പോലീസ് ഇൻസ്പെക്ടർ എസ് എച്ച് ഒ പ്രജീഷ് ശശി, എസ് ഐ കൃഷ്ണകുമാർ എസ് സി പി ഒ സോണി മോൻ സി പി ഒ ജിബിൻ ദാസ് എന്നിവർ അടങ്ങിയ സംഘമാണ് പ്രതിയെ പിടികൂടിയത് കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
പത്തനംതിട്ട ഇലവുംതിട്ട യിൽ ഓമല്ലൂർ ഊന്നുകല്ല് വെട്ടോലിമല എന്ന സ്ഥലത്ത് പ്രവർത്തിക്കുന്ന എലോഹിം വർഷിപ് സെന്ററിൽ താമസിച്ചു പഠിച്ചുവന്നിരുന്ന കുട്ടികളെ ശാരീരികമായി ഉപദ്രവിച്ച കേസിൽ പ്രതികളായ മൂന്നു പേരെ ഇലവുംതിട്ട പോലീസ് അറസ്റ്റ് ചെയ്തു. ഓമല്ലൂർ ചെന്നീർക്കര മുട്ടത്തുക്കോണം സ്വദേശി പുല്ലാമല ഇരുന്ന കുഴിക്കൽ പുതുവേലിൽ വീട്ടിൽ ലാസർ മകൻ റെജി സോളമൻ (42) , പത്തനംതിട്ട പ്രമാടം മല്ലശ്ശേരി വട്ടക്കുളഞ്ഞി എന്ന സ്ഥലത്ത് ചരിവ് കാലായിൽ വീട്ടിൽ ബാബു തോമസ് മകൻ ബെന്നി ബാബു (38) , കൊല്ലം ജില്ലയിൽ പൂയപ്പള്ളി കാറ്റാടി മരുതമൺപള്ളി എന്ന സ്ഥലത്ത് ബിജോ ഭവനം വീട്ടിൽ കുഞ്ഞുമോൻ മകൻ സിജോ കുഞ്ഞുമോൻ (34) എന്നിവരെയാണ് ഇലവുംതിട്ട പോലീസ് അറസ്റ്റ് ചെയ്തത്. ഇടുക്കി അമ്പലമേട് സ്വദേശിയായ 17 കാരനെ അതിക്രൂരമായി മർദ്ദിച്ച കേസിൽ ഇവരെ പോലീസ് അന്വേഷിച്ചു വരികയായിരുന്നു. ഈ കേസ് രജിസ്റ്റർ ചെയ്തതിനുശേഷം എരുമേലി സ്വദേശിയായ 15 കാരനെ 2025 ഡിസംബർ മാസം മോഷണക്കുറ്റം ആരോപിച്ച് പലതവണ ഉപദ്രവിച്ചതായി പരാതി വരികയും ഇതിലും കേസ് രജിസ്റ്റർ ചെയ്യുകയും ചെയ്തിരുന്നു. ഇപ്പോൾ അറസ്റ്റിലായ മൂന്നുപേർ തന്നെയാണ് ആ കേസിലും പ്രതികൾ ആയിട്ടുള്ളത്. പത്തനംതിട്ട ജില്ലാ പോലീസ് മേധാവി ആർ. ആനന്ദ് ന്റെ നിർദ്ദേശാനുസരണം പ്രത്യേക അന്വേഷണസംഘം രൂപീകരിച്ച് പ്രതികൾക്കായി ഊർജ്ജിതമായി അന്വേഷണം നടത്തിവരികയായിരുന്നു. അന്വേഷണത്തിനിടെ ഇന്ന് പത്തനംതിട്ട പ്രൈവറ്റ് ബസ് സ്റ്റാൻഡ് പരിസരത്ത് വച്ച് മൂന്നു പ്രതികളെയും ഇലവുംതിട്ട പോലീസ് പിടികൂടി. ഇലവുംതിട്ട പോലീസ് ഇൻസ്പെക്ടർ എസ് എച്ച് ഒ അനീഷ് കരിം , എസ് ഐ ഉണ്ണികൃഷ്ണൻ , SCPO മാരായ ധനൂപ് , ശ്രീരാജ് സി പി ഒ മാരായ അജിത്ത്, വിഷ്ണു എന്നിവർ അടങ്ങിയ അന്വേഷണസംഘമാണ് പ്രതികളെ പിടികൂടിയത്. അറസ്റ്റിലായ പ്രതികളെ മജിസ്ട്രേറ്റിന് മുന്നിൽ ഹാജരാക്കും
സെന്സസുമായി ബന്ധപ്പെട്ട് സെല്ഫ് എന്യുമറേഷന് പത്തനംതിട്ട ജില്ലയില് ആരംഭിച്ചു. ജില്ല കലക്ടര് എ നിസാമുദ്ദീന്, പ്രശസ്ത സാഹിത്യകാരന് ബെന്യാമിന്, അടൂര്, തിരുവല്ല നഗരസഭ അധ്യക്ഷരായ റീന ശാമുവല്, എസ് ലേഖ, ജനപ്രതിനിധികള് തുടങ്ങിയവര് സ്വയം വിവരം നല്കി സെന്സസ് പ്രക്രിയയില് പങ്കാളിയായി. ജൂണ് 30 വരെ പൊതുജനങ്ങള്ക്ക് സ്വയം വിവരം നല്കാം. ഈ അവസരം ഏവരും പ്രയോജനപ്പെടുത്തണമെന്ന് പ്രിന്സിപ്പല് സെന്സസ് ഓഫീസര് കൂടിയായ ജില്ല കലക്ടര് എ നിസാമുദ്ദീന് അഭ്യര്ഥിച്ചു. പൂര്ണമായും സാങ്കേതിക വിദ്യയില് ഊന്നിയ രാജ്യത്തെ ആദ്യ സെന്സസാണ്. പൊതുജനങ്ങള് നല്കുന്ന വിവരങ്ങളിലൂടെയാണ് രാജ്യത്തിന്റെ വികസന പ്രവര്ത്തനങ്ങള് ആസൂത്രണം ചെയ്യുന്നതും സ്ഥായിയായ വികസനം ഉറപ്പാക്കുന്നതും. സെന്സസില് കൃതമായ വിവരം നല്കുകയെന്നത് ഓരോ പൗരന്റെയും കടമയാണെന്നും ജില്ല കലക്ടര് പറഞ്ഞു.