ശബരിമല തീര്ത്ഥാടനം: അവലോകനയോഗം ജൂലൈ 21 ചൊവ്വ
ശബരിമല തീര്ത്ഥാടനകാല മുന്നൊരുക്കങ്ങള്ക്കായി പൊതുമരാമത്ത് വകുപ്പ് മന്ത്രി പി. കെ ബഷീറിന്റെ അധ്യക്ഷതയില് ബന്ധപ്പെട്ട എം.എല്.എ. മാരുടെയും പൊതുമരാമത്ത് വകുപ്പ് ഉന്നത ഉദ്യോഗസ്ഥരുടെയും യോഗം ഇന്ന് (ജൂലൈ 21) രാവിലെ 11 ന് പമ്പ ശ്രീരാമ സാകേതം ഹാളില് ചേരും.
സെന്സസ് : പ്രശ്നോത്തരി വിജയികള്ക്ക് സമ്മാനം നല്കി
സെന്സസ് 2027 ന്റെ ഭാഗമായി സ്കൂള്, കോളജ് വിദ്യാര്ഥികള്ക്കായി സംഘടിപ്പിച്ച പ്രശ്നോത്തരി വിജയികള്ക്ക് ജില്ല കലക്ടര് എ നിസാമുദ്ദീന് സമ്മാനം വിതരണം ചെയ്തു. ആരോണ് ബിനോയി (ഗവ. ബോയ്സ് എച്ച്.എസ്.എസ്, അടൂര്), വി.ആര്. സ്വാതിക (ബാം കോളജ്, തുരുത്തിക്കാട്), ലക്ഷ്മി അജിത്കുമാര് (മാര്ത്തോമ എച്ച്.എസ്.എസ്, പത്തനംതിട്ട), ബിനിയ സാബു (മാര്ത്തോമ കോളജ്, തിരുവല്ല), എ. ലക്ഷ്മിപ്രിയ (ബാലികാമടം എച്ച്.എസ്.എസ്, തിരുവല്ല), അദ്വൈത് അനില് (എന്.എസ്.എസ്. എച്ച്.എസ്.എസ് പന്തളം) എന്നിവരാണ് വിജയികളായത്.
സെന്സസ് ആദ്യഘട്ട പ്രവര്ത്തനങ്ങളുടെ ബോധവല്ക്കരണത്തിന്റെ ഭാഗമായാണ് പ്രശ്നോത്തരി സംഘടിപ്പിച്ചതെന്ന് ജില്ല കലക്ടര് പറഞ്ഞു. സെന്സസ് പ്രവര്ത്തനങ്ങളില് കുട്ടികള്ക്ക് വലിയ പങ്കുണ്ട്. രണ്ടാംഘട്ടത്തിലും അവരുടെ സഹായം ആവശ്യമുണ്ട്. അടുത്ത പത്തുവര്ഷത്തേക്ക് വേണ്ടിയുള്ള സെന്സസ് വിവരങ്ങള് ഏറ്റവും ഉപയോഗം വരുന്നത് യുവതലമുറയ്ക്ക് ആണെന്നും കലക്ടര് പറഞ്ഞു. സെന്സസ് ഡയറക്ടറേറ്റിന്റെയും ജില്ല ഭരണകൂടത്തിന്റെയും സംയുക്താഭിമുഖ്യത്തിലാണ് പ്രശ്നോത്തരി സംഘടിപ്പിച്ചത്.
കലക്ടറേറ്റ് ഗവി കോണ്ഫറന്സ് ഹാളില് നടന്ന ചടങ്ങില് എഡിഎം ആര് രാജലക്ഷ്മി, സെന്സസ് ഡയറക്ടറേറ്റ് ഡെപ്യൂട്ടി ഡയറക്ടര് വി സി നിഷ, വിദ്യാര്ഥികള്, രക്ഷിതാക്കള് തുടങ്ങിയവര് പങ്കെടുത്തു.
തിരുവോണം ബമ്പര് ജില്ലാതല വിതരണോദ്ഘാടനം
തിരുവോണം ബമ്പര് – 2026 (ബി ആര് – 111) ഭാഗ്യക്കുറിയുടെ ജില്ലാതല വിതരണോദ്ഘാടനം പത്തനംതിട്ട മുന്സിപ്പല് ടൗണ് ഹാളില് നടന്ന ചടങ്ങില് അബിന് വര്ക്കി എം.എല്.എ നിര്വഹിച്ചു. നഗരസഭാ കൗണ്സിലറും മുന് ചെയര്പേഴ്സണുമായ എ. സുരേഷ്കുമാര് അധ്യക്ഷനായി. ജില്ല ഭാഗ്യക്കുറി ഓഫീസര് ഡി. ആര് ജോസ്, ജില്ല ഭാഗ്യക്കുറി ക്ഷേമനിധി ഓഫീസര് നിഷ ആര് നായര്, വിവിധ ലോട്ടറി തൊഴിലാളി സംഘടന ഭാരവാഹികളായ നാഗൂര് കനി, എം. ശ്രീനിവാസന്, എം. ആര് കണ്ണന്കോട്, പി. ബി അനില്കുമാര് എന്നിവര് പങ്കെടുത്തു.
ഭാഗ്യക്കുറി വകുപ്പിന്റെ ചരിത്രത്തിലെ ഏറ്റവും ഉയര്ന്ന സമ്മാനമാണ് ഇത്തവണ ഓണം ബമ്പര് ടിക്കറ്റിന് നല്കുന്നത്. 30 കോടി രൂപയാണ് ഒന്നാം സമ്മാനം. രണ്ടാം സമ്മാനമായി ഒരു കോടി വീതം 20 പേര്ക്കും മൂന്നാം സമ്മാനമായി 25 ലക്ഷം വീതം 20 പേര്ക്കും നാലാം സമ്മാനമായി 5 ലക്ഷം വീതം 10 പേര്ക്കും അഞ്ചാം സമ്മാനമായി 2 ലക്ഷം വീതം 10 പേര്ക്കും നല്കും. ഒന്നാം സമ്മാനാര്ഹമാകുന്ന ടിക്കറ്റ് വില്ക്കുന്ന ഏജന്റിന് മൂന്നു കോടി രൂപ ഏജന്സി സമ്മാനമായും നല്കും. സെപ്റ്റംബര് 26 ന് നറുക്കെടുക്കുന്ന തിരുവോണം ബമ്പര് ഭാഗ്യക്കുറിയുടെ ടിക്കറ്റ് വില 500 രൂപയാണ്.
ലഹരിക്കെതിരെ ഗോള്; ലഹരിവിരുദ്ധ ബോധവല്ക്കരണം സംഘടിപ്പിച്ചു
വനിത ശിശു വികസന വകുപ്പ് – മിഷന് വാത്സല്യ പദ്ധതിയുടെ ജില്ല ശിശു സംരക്ഷണ യൂണിറ്റിന്റെ ഭാഗമായ ‘ഔവര് റെസ്പോണ്സിബിലിറ്റി ടു ചില്ഡ്രന്’ പരിപാടിയുടെ ഭാഗമായി ജില്ലയിലെ ശിശു സംരക്ഷണ സ്ഥാപനങ്ങളിലെ കുട്ടികള്ക്കായി നടത്തുന്ന ലഹരിവിരുദ്ധ ബോധവല്ക്കരണ പരിപാടിയുടെ ജില്ലാതല ഉദ്ഘാടനം നാല്ക്കാലിക്കല് മൗണ്ട് കാര്മല് ചില്ഡ്രന്സ് ഹോമില് നടത്തി. അബിന് വര്ക്കി എം.എല്.എ പെനാല്റ്റി ഷൂട്ടൗട്ട് ചെയ്ത് ഉദ്ഘാടനം നിര്വഹിച്ചു. പത്തനംതിട്ട ജില്ല വനിതാ ശിശു വികസന ഓഫീസര് പി. എസ്. തസ്നീം അധ്യക്ഷയായി. ജില്ല ശിശു സംരക്ഷണ ഓഫീസര് എസ്. ഫെബ്ന റഹീം, പത്തനംതിട്ട ചൈല്ഡ് വെല്ഫയര് കമ്മിറ്റി അംഗം ഡോ. ആര് വിജയമോഹനന്, ജുവനൈല് ജസ്റ്റിസ് ബോര്ഡ് അംഗം ഷാന് രമേശ് ഗോപന്, ഒ ആര് സി പ്രൊജക്റ്റ് അസിസ്റ്റന്റ് ഷീലു എം ലൂക്ക്, മാസ്റ്റര് ബ്ലെസന് പോള്, മാസ്റ്റര് ജെ. വിഷ്ണു, നാല്ക്കാലിക്കല് മൗണ്ട് കാര്മല് ചില്ഡ്രന്സ് ഹോമിലെയും ആറന്മുള ശബരി ബാലാശ്രമത്തിലെയും കുട്ടികള് തുടങ്ങിയവര് പങ്കെടുത്തു.
അഗ്നിവീര് തസ്തികകളിലേക്ക് ജൂലൈ 26 വരെ അപേക്ഷിക്കാം
ഇന്ത്യന് വ്യോമസേനയില് അഗ്നിവീര്വായു തസ്തികകളിലേക്ക് അവിവാഹിതരായ യുവതീ-യുവാക്കളില് നിന്ന് അപേക്ഷ ക്ഷണിച്ചു. ജൂലൈ 26 രാത്രി 11 വരെ https://iafrecruitment.edcil.co.in ല് അപേക്ഷിക്കാം. കേരളം, മാഹി (പുതുച്ചേരി കേന്ദ്രഭരണ പ്രദേശം), ലക്ഷദ്വീപ് എന്നിവിടങ്ങളില് നിന്നുള്ള ഉദ്യോഗാര്ഥികളുടെ റിക്രൂട്ട്മെന്റ് ചുമതല കൊച്ചിയിലുള്ള നമ്പര് 14 എയര്മെന് സെലക്ഷന് സെന്ററിനാണ്. സെപ്റ്റംബര് 22, 23 തീയതികളിലാണ് ഓണ്ലൈന് പരീക്ഷ. വിശദമായ വിജ്ഞാപനം ഔദ്യോഗിക വെബ്സൈറ്റില് ലഭ്യമാണ്. ഫോണ്: +91-9513253233 (ഓണ്ലൈന് അപേക്ഷ സമര്പ്പിക്കുന്നതുമായി ബന്ധപ്പെട്ട സംശയങ്ങള്ക്ക്), 011-25694209, 25699606, 04842427010, +91 9188431093.
ഭിന്നശേഷിക്കാര്ക്ക് ട്രൈ സ്കൂട്ടര് വിതരണം
പത്തനംതിട്ട ജില്ല പഞ്ചായത്ത് വിവിധ പദ്ധതികള് പ്രകാരം ഭിന്നശേഷിക്കാര്ക്ക് (ചലനപരിമിതി) ട്രൈ സ്കൂട്ടര് നല്കുന്നതിന് ജനറല്, പട്ടികജാതി വിഭാഗങ്ങളില് നിന്ന് അപേക്ഷ ക്ഷണിച്ചു. ബന്ധപ്പെട്ട ഗ്രാമപഞ്ചായത്തുകളുടെ ഗുണഭോക്തൃ പട്ടികയില് ഉള്പ്പെട്ടവര് നിശ്ചിത മാതൃകയിലുള്ള അപേക്ഷ, അനുബന്ധ രേഖകള് സഹിതം ഓഗസ്റ്റ് 18 വൈകിട്ട് അഞ്ചിന് മുമ്പ് ജില്ല സാമൂഹിക നീതി ഓഫീസില് സമര്പ്പിക്കണം. ഫോണ്: 0468 2325168.
ഭിന്നശേഷിക്കാര്ക്ക് ഇലക്ട്രിക് വീല്ചെയര് വിതരണം
പത്തനംതിട്ട ജില്ല പഞ്ചായത്ത് വാര്ഷിക പദ്ധതി പ്രകാരം ഭിന്നശേഷിക്കാര്ക്ക് (ചലനപരിമിതി) ഇലക്ട്രിക് വീല്ചെയര് നല്കുന്നതിന് അപേക്ഷ ക്ഷണിച്ചു. ബന്ധപ്പെട്ട ഗ്രാമപഞ്ചായത്തുകളുടെ ഗുണഭോക്തൃ പട്ടികയില് ഉള്പ്പെട്ടവര് നിശ്ചിത മാതൃകയിലുള്ള അപേക്ഷ, അനുബന്ധ രേഖകള് സഹിതം ഓഗസ്റ്റ് 18 വൈകിട്ട് അഞ്ചിന് മുമ്പ് ജില്ല സാമൂഹിക നീതി ഓഫീസില് സമര്പ്പിക്കണം. ഫോണ്: 0468 2325168.
കിടപ്പിലായ ഭിന്നശേഷിക്കാര്ക്ക് സി പി ചെയര് വിതരണം
പത്തനംതിട്ട ജില്ല പഞ്ചായത്ത് വാര്ഷിക പദ്ധതി പ്രകാരം സെറിബ്രല് പാള്സി മൂലം കിടപ്പിലായ ഭിന്നശേഷിക്കാര്ക്ക് സി പി ചെയര് നല്കുന്നതിന് അര്ഹരായ ഭിന്നശേഷിക്കാര്/രക്ഷിതാക്കളില് നിന്ന് അപേക്ഷ ക്ഷണിച്ചു. ബന്ധപ്പെട്ട ഗ്രാമപഞ്ചായത്തുകളുടെ ഗുണഭോക്തൃ പട്ടികയില് ഉള്പ്പെട്ടവര് നിശ്ചിത മാതൃകയിലുള്ള അപേക്ഷ, അനുബന്ധ രേഖകള് സഹിതം ഓഗസ്റ്റ് 18 വൈകിട്ട് അഞ്ചിന് മുമ്പ് ജില്ല സാമൂഹിക നീതി ഓഫീസില് സമര്പ്പിക്കണം. ഫോണ്: 0468 2325168.
പ്രവേശനം
അസാപ് കേരളയുടെ കുന്നന്താനം കമ്യൂണിറ്റി സ്കില് പാര്ക്കില് ഇലക്ട്രിക്ക് വാഹന സര്വീസിങ്, ജൂനിയര് ഡേറ്റ അനലിസ്റ്റ് – ഫിനാന്ഷ്യല് സെക്ടര്, ലോജിസ്റ്റിക്സ് ആന്റ് ഹോട്ടല് മാനേജ്മെന്റ് കോഴ്സുകളിലേയ്ക്ക് പ്രവേശനം ആരംഭിച്ചു. ആറ് മാസം ദൈര്ഘ്യമുള്ള കോഴ്സുകളിലേക്ക് പ്ലസ് ടു യോഗ്യതയുള്ളവര്ക്ക് അപേക്ഷിക്കാം. പ്രായപരിധി 18-40. അവസാന തീയതി ജൂലൈ 31. ഫോണ്: 9495999688.
ഉന്നതവിജയം നേടിയ വിദ്യാര്ഥികള്ക്ക് അനുമോദനം
ഏഴംകുളം ഗ്രാമപഞ്ചായത്ത് ലൈബ്രറിയുടെ ആഭിമുഖ്യത്തില് 2025-26 വര്ഷം
എസ്.എസ്.എല്.സി, പ്ലസ് ടു (കേരള /സി.ബി.എസ്.ഇ ) പരീക്ഷകളില് ഫുള് എ പ്ലസ് നേടിയ വിദ്യാര്ഥികളെ അനുമോദിക്കുന്നു. ഏഴംകുളം ഗ്രാമപഞ്ചായത്ത് പരിധിയിലെ താമസക്കാരായ വിദ്യാര്ഥികള് ഓഗസ്റ്റ് 10 വൈകിട്ട് നാലിന് മുമ്പ് പാസ്പോര്ട്ട് സൈസ് ഫോട്ടോയും മാര്ക്ക് ലിസ്റ്റിന്റെ കോപ്പിയും സഹിതം ലൈബ്രറിയില് അപേക്ഷ നല്കണം. ഫോണ്: 9746950282.
അധ്യാപക അവാര്ഡ് അപേക്ഷ ക്ഷണിച്ചു
ഏഴംകുളം ഗ്രാമപഞ്ചായത്തിലെ സ്കൂളുകളില് ജോലി ചെയ്യുന്ന പഞ്ചായത്ത് നിവാസികളായ അധ്യാപകരില് നിന്ന് ഗ്രാമപഞ്ചായത്ത് ലൈബ്രറി അധ്യാപക അവാര്ഡിന് അപേക്ഷ ക്ഷണിച്ചു. സര്ക്കാര് അര്ദ്ധ സര്ക്കാര് സ്കൂളുകളിലെ അധ്യാപകരെയാണ് പരിഗണിക്കുന്നത്. കഴിഞ്ഞ അധ്യയന വര്ഷത്തെ പ്രവര്ത്തന റിപ്പോര്ട്ട് സഹിതം ഓഗസ്റ്റ് 17 വൈകിട്ട് നാലിന് മുമ്പ് ലൈബ്രറിയില് അപേക്ഷ നല്കണം. ഫോണ്: 9745848979.
ലൈസന്സ് നേടണം
പന്തളം തെക്കേക്കര ഗ്രാമപഞ്ചായത്ത് പരിധിയില് 2026-27 സാമ്പത്തികവര്ഷം ലൈസന്സ് ലഭിച്ചിട്ടില്ലാത്ത മുഴുവന് വ്യാപാര-വ്യവസായ-സംരഭക സ്ഥാപനങ്ങളും ജൂലൈ 30 നകം അപേക്ഷ സമര്പ്പിച്ച് ഫീസ് അടച്ച് ലൈസന്സ് നേടണം. അല്ലാത്തപക്ഷം ഇതുമൂലമുണ്ടാകുന്ന എല്ലാവിധമായ നിയമനടപടികള്ക്കും സ്ഥാപന ഉടമ മാത്രം ഉത്തരവാദിയായിരിക്കുമെന്ന് ഗ്രാമപഞ്ചയത്ത് സെക്രട്ടറി അറിയിച്ചു. ഫോണ്: 04734 228498.
ഡിപ്ലോമ ഇന് എയര്ലൈന് ആന്റ് എയര്പോര്ട്ട് മാനേജ്മെന്റ്
സ്റ്റേറ്റ് റിസോഴ്സ് സെന്ററിന്റെ എസ്ആര്സി കമ്യൂണിറ്റി കോളജില് ഡിപ്ലോമ ഇന് എയര്ലൈന് ആന്റ് എയര്പോര്ട്ട് മാനേജ്മെന്റ് പ്രോഗ്രാമിലേക്ക് പ്ലസ്ടു / തത്തുല്യ യോഗ്യതയുള്ളവര്ക്ക് തിരുവനന്തപുരം സെന്ററിലേക്ക് അപേക്ഷിക്കാം. അവസാന തീയതി ജൂലൈ 31. ഫോണ്: 0471 2570471, 9846033001.
ഡിപ്ലോമ ഇന് ഹോസ്പിറ്റല് മാനേജ്മെന്റ്
സ്റ്റേറ്റ് റിസോഴ്സ് സെന്ററിന്റെ എസ്ആര്സി കമ്യൂണിറ്റി കോളജില് ഡിപ്ലോമ ഇന് എയര്ലൈന് ആന്റ് എയര്പോര്ട്ട് മാനേജ്മെന്റ് പ്രോഗ്രാമിലേക്ക് പ്ലസ്ടു / തത്തുല്യ യോഗ്യതയുള്ളവര്ക്ക് അപേക്ഷിക്കാം. അവസാന തീയതി ജൂലൈ 31. ഫോണ്: 0471 2570471, 9846033009.
ലേലം
കോട്ടാങ്ങല് സര്വീസ് സഹകരണ ബാങ്കിന്റെ 4.86 ആര് പുരയിടവും 62 വര്ഷം പഴക്കമുള്ള കെട്ടിടവും ഓഗസ്റ്റ് 18 രാവിലെ 11.30 ന് കോട്ടാങ്ങല് വില്ലേജ് ഓഫീസില് ലേലം ചെയ്യും. ഫോണ്: 0469 2682293.
മസ്റ്ററിങ്
ഏഴംകുളം ഗ്രാമപഞ്ചായത്തില് സാമൂഹിക സുരക്ഷ, ക്ഷേമനിധി പെന്ഷന് മസ്റ്ററിങ് സെപ്റ്റംബര് 30 വരെ അക്ഷയ കേന്ദ്രങ്ങളില് നടത്താം. 2025 ഡിസംബര് 31 ന് മുമ്പ് പെന്ഷന് ലഭിച്ച മുഴുവന് ഗുണഭോക്താക്കളും മസ്റ്ററിങ് പൂര്ത്തിയാക്കണമെന്ന് സെക്രട്ടറി അറിയിച്ചു. ഫോണ്: 04734 240637.
കോന്നിയിൽ മുൻ വൈരാഗ്യം മൂലം അയൽവാസിയായ യുവാവിന്റെ കൈമുട്ട് സംഘം ചേർന്ന് തല്ലി തകർത്ത കേസിൽ ഒളിവിൽ കഴിഞ്ഞിരുന്ന മൂന്നാം പ്രതിയെ ആണ് എറണാകുളം കലൂർ നിന്നും കോന്നി പോലീസ് പിടികൂടിയത്.
അന്താരാഷ്ട്ര വിപണിയിൽ കോടികൾ വിലമതിക്കുന്ന 6 കിലോ ആംബർ ഗ്രീസുമായി (തിമിംഗല ഛർദ്ദി) രണ്ടുപേരെ പോലീസ് പിടികൂടി.പന്തളം വലിയ കോയിക്കൽ പാലത്തിനു സമീപം ഓപ്പറേഷൻ തൂഫാനുമായി ബന്ധപ്പെട്ട് ഞായറാഴ്ച രാത്രിയിൽ പന്തളം പോലീസും ജില്ലാ ഡാൻസാഫ് ടീമും സംയുക്തമായി നടത്തിയ തിരച്ചിലിലാണ് പ്രതികളെ പിടികൂടിയത്.മുട്ടറ,ഓടനാവട്ടം,രാജീവ് 39. കൊട്ടാരക്കര, നെടുവത്തുർ കുറുമ്പാലൂർ
പള്ളിയോട സേവാസംഘം ആറന്മുളയിലെത്തുന്ന ഭക്തർക്ക് സൗകര്യാർത്ഥം ആറന്മുള സദ്യ ഒരുക്കുന്നു. വള്ളസദ്യ വിഭവങ്ങളും ചടങ്ങുകളും സദ്യയുടെ രുചിയും അറിയുന്നതിനായി ഒരാൾക്കും 300 രൂപ പ്രകാരം സദ്യ ഒരുക്കുന്നത്. 44 വിഭവങ്ങൾ, വഞ്ചിപ്പാട്ട്, പാടി ചോദിക്കുന്ന അഞ്ച് വിഭവങ്ങൾ എന്നിവയും നിലവിളക്കിൽ മുമ്പിൽ വച്ചൊരുക്ക് തയ്യാറാക്കുന്നുണ്ട്. വള്ളസദ്യ വഴിപാടുകൾ ക്ഷേത്രത്തിൽ ഒരുക്കുന്ന സദ്യ കോൺട്രാക്ടർമാരാണ് ആറന്മുള സദ്യ തയ്യാറാക്കുന്നത്.
ആറന്മുള: ചരിത്രപ്രസിദ്ധമായ ആറന്മുള വള്ള സദ്യയും ഉത്രട്ടാതി ജലമേളയിലും പങ്കെടുക്കുന്ന 52 പള്ളിയോടങ്ങളിലെ 5200 തുഴച്ചിൽ കാർക്കും പള്ളിയോട പ്രതിനിധികൾക്കുമുള്ള ഇൻഷ്വറൻസ് പോളിസി പള്ളിയോടസേവാ സംഘത്തിന് വേണ്ടി ആ രോഗ്യ മന്ത്രി കെ മുരളീധരൻ യുണൈറ്റഡ് ഇൻഡ്യ മാർക്കറ്റിങ് റീജണൽ മാനേജർ പ്രതീഷ് തോമസിൽ നിന്ന് ഏറ്റുവാങ്ങി.
