എല്‍.പി, യു.പി വിദ്യാഭ്യാസം ഡിജിറ്റലൈസ് ചെയ്യുക, കമ്പ്യൂട്ടര്‍ വല്‍ക്കൃത വിദ്യാഭ്യാസം ഉറപ്പാക്കുക എന്നീ ലക്ഷ്യങ്ങളോടെ സംസ്ഥാനത്തെ 6,000 സ്‌കൂളുകളില്‍ ‘ഡിജിറ്റല്‍ സ്‌ക്വയര്‍’ പദ്ധതി നടപ്പാക്കിയതായി പൊതുവിദ്യാഭ്യാസ വകുപ്പ് മന്ത്രി എന്‍ ഷംസുദ്ദീന്‍. കുന്നന്താനം സെന്റ് മേരീസ് സര്‍ക്കാര്‍ ഹൈസ്‌കൂളില്‍ നിര്‍മ്മിച്ച ഡോ. കെ ആര്‍ നാരായണന്‍ സെന്റിനറി ബ്ലോക്കിന്റെ ഉദ്ഘാടനം നിര്‍വഹിക്കുകയായിരുന്നു മന്ത്രി. സര്‍ക്കാര്‍ അധികാരത്തില്‍ വന്നതിനു ശേഷമുള്ള നൂറുദിന കര്‍മ്മപരിപാടിയില്‍ വിദ്യാഭ്യാസ മേഖലയിലെ ആധുനികവല്‍ക്കരണത്തിന് വലിയ പ്രാധാന്യമാണ് നല്‍കിയിട്ടുള്ളത്. ഡിജിറ്റല്‍ സ്‌ക്വയര്‍ ഉള്‍പ്പെടെ വിദ്യാഭ്യാസ വകുപ്പിന്റെ 16 കര്‍മ്മപരിപാടികളും പൂര്‍ത്തിയായി. ശാസ്ത്ര സാങ്കേതിക രംഗത്തുണ്ടായ പുരോഗതിക്കനുസരിച്ച് വിദ്യാഭ്യാസം മാറ്റങ്ങള്‍ക്ക് വിധേയമാവുകയാണ്. കഴിഞ്ഞ ഇരുപത് വര്‍ഷം കൊണ്ട് ഉണ്ടായ മാറ്റങ്ങള്‍ അതിനുമുമ്പുള്ള ഇരുന്നൂറ് വര്‍ഷങ്ങളെ അപേക്ഷിച്ച് വളരെ കൂടുതലാണ്. നമ്മുടെ കുട്ടികളെ ലോകരാജ്യങ്ങളില്‍ നിന്നുള്ളവരോടൊപ്പം മത്സരിക്കാന്‍ പ്രാപ്തരാക്കേണ്ടതുണ്ട്. ഇതിനായി ഇന്നത്തെ കാലഘട്ടത്തിന്റെ ശാസ്ത്രമായ ആര്‍ട്ടിഫിഷ്യല്‍ ഇന്റലിജന്‍സ് പോലുള്ള നവസാങ്കേതികവിദ്യ ഉള്‍പ്പെടുത്തി സ്‌കൂള്‍ പാഠ്യപദ്ധതി നവീകരിക്കുമെന്നും മന്ത്രി പറഞ്ഞു.
സ്‌കൂളിന്റെ പുതിയ കെട്ടിടത്തിന് കേരളത്തിന്റെ ധീര പുത്രനും മുന്‍ ഇന്ത്യന്‍ പ്രസിഡന്റുമായ കെ.ആര്‍. നാരായണന്റെ പേര് നല്‍കിയതിനെ മന്ത്രി പ്രശംസിച്ചു. സംസ്ഥാനതലത്തില്‍ വിവിധ മത്സരങ്ങളില്‍ മികവ് തെളിയിച്ച വിദ്യാര്‍ത്ഥികളെ ചടങ്ങില്‍ ആദരിച്ചു.
വര്‍ഗീസ് മാമന്‍ എംഎല്‍എ അധ്യക്ഷനായി. ആന്റോ ആന്റണി എംപി, ജില്ല പഞ്ചായത്ത് വൈസ് പ്രസിഡന്റ് അനീഷ് വരിക്കണ്ണാമല, മുന്‍ എംഎല്‍എ മാത്യു ടി തോമസ്, ജില്ല പഞ്ചായത്ത് അംഗം ബിജു റ്റി ജോര്‍ജ്, മല്ലപ്പള്ളി ബ്ലോക്ക് പഞ്ചായത്ത് പ്രസിഡന്റ് ശോശാമ്മ തോമസ്, കുന്നന്താനം ഗ്രാമപഞ്ചായത്ത് പ്രസിഡന്റ് എം ജെ വിജയന്‍, ബ്ലോക്ക് പഞ്ചായത്ത് വൈസ് പ്രസിഡന്റ് എബി മേങ്ങരിങ്ങാട്ട്, ബ്ലോക്ക് അംഗം രഞ്ജിനി അജിത്ത്, ഗ്രാമപഞ്ചായത്ത് വൈസ് പ്രസിഡന്റ് എന്‍ സി പ്രെനി, ആരോഗ്യ വിദ്യാഭ്യാസ സ്ഥിരം സമിതി ചെയര്‍പേഴ്‌സണ്‍ റ്റി ഗീതകുമാരി, ഗ്രാമപഞ്ചായത്ത് അംഗങ്ങളായ റ്റി സുനില്‍കുമാര്‍, വി പി രാധാമണിയമ്മ, വി വറുഗീസ് മാത്യു, പി റ്റി അലക്‌സ്, രമ്യ ഗോപിനാഥ്, ബാബു കുറുമ്പേശ്വരം, തിരുവല്ല ഡിഇഒ പി ആര്‍ മല്ലിക, മല്ലപ്പള്ളി എഇഒ ജയചന്ദ്രന്‍ നായര്‍, ജില്ല പ്രോഗ്രാം കോര്‍ഡിനേറ്റര്‍ ജയന്തി തരുണ്‍, പ്രധാന അധ്യാപിക ജി ജയലളിത, സ്‌കൂള്‍ ലീഡര്‍ എ കെ ഹരിഗോവിന്ദ്, ജനപ്രതിനിധികള്‍, അധ്യാപകര്‍, വിദ്യാര്‍ഥികള്‍ തുടങ്ങിയവര്‍ പങ്കെടുത്തു.
സംസ്ഥാനത്ത് 6000 സ്‌കൂളുകളില്‍ ഡിജിറ്റല്‍ സ്‌ക്വയര്‍ സ്ഥാപിച്ചു : മന്ത്രി എന്‍ ഷംസുദ്ദീന്‍
ശബരിമലമണ്ഡലമകരവിളക്ക്മഹോത്സവത്തോടനുബന്ധിച്ച്സ്പെഷ്യൽ പോലീസ് ഉദ്യോഗസ്ഥരെ നിയമിക്കുന്നു.
2026 -27 ശബരിമല മണ്ഡല മകരവിളക്ക്മഹോത്സവത്തോടനുബന്ധിച്ച് ജില്ലയിൽ ട്രാഫിക് നിയന്ത്രണത്തിനും മറ്റുമായി സ്പെഷ്യൽ പോലീസ് ഉദ്യോഗസ്ഥരെ നിയമിക്കുന്നു. വിമുക്തഭടന്മാർ, പോലീസ്, എക്സൈസ്, ഫോറസ്റ്റ്, ഫയർഫോഴ്സ് മുതലായ സംസ്ഥാന സേനകളിൽ നിന്ന് വിരമിച്ച ഉദ്യോഗസ്ഥർ, സിവിൽ ഡിഫൻസ് വോളണ്ടിയർമാർ, NCC കേഡറ്റുകൾ, എന്നീ വിഭാഗങ്ങളിൽ നിന്ന് ഡ്യൂട്ടി ചെയ്യുവാൻ താല്പര്യമുള്ളവർ അതാത് പോലീസ് സ്റ്റേഷനുകളിൽ നേരിട്ട് ഹാജരായി തിരിച്ചറിയൽ രേഖകൾ, ബാങ്ക് വിവരങ്ങൾ, ഫോട്ടോ മുതലായവ സഹിതം *ഒക്ടോബർ ആറിന് മുൻപായി* അപേക്ഷ നൽകണമെന്ന് ജില്ലാ പോലീസ് മേധാവി അറിയിച്ചു. മുൻ വർഷങ്ങളിൽ നിയമനം ലഭിച്ചിട്ടും ജോലിക്ക് ഹാജരാകാത്തവർ , സ്ഥിരമായി ഡ്യൂട്ടിക്ക് ഹാജരാകാത്തവർ , കേസുകളിൽ ഉൾപ്പെട്ടവർ എന്നിവർ അപേക്ഷിക്കേണ്ടതില്ല. 60 ദിവസത്തേക്ക് ആയിരിക്കും നിയമനം.
മഞ്ഞാടി ഡക്ക് ഹാച്ചറി ആന്റ് ട്രെയിനിംഗ് ഇന്‍സ്റ്റിറ്റ്യൂട്ടില്‍ പരിശീലനം/ആനപാപ്പാന്‍ നിയമനം/ഡ്രൈവര്‍ കം ഓഫീസ് അറ്റന്‍ഡര്‍ നിയമനം/ലൈഫ് ഗാര്‍ഡ് നിയമനം/വാഹനംആവശ്യമുണ്ട്/മസ്റ്ററിങ് തീയതി നീട്ടി/കുടിശ്ശിക നിവാരണ യജ്ഞം
ഡ്രൈവര്‍ കം ഓഫീസ് അറ്റന്‍ഡര്‍ നിയമനം
ഫിഷറീസ് വകുപ്പിന്റെ പത്തനംതിട്ട കവിയൂര്‍ ഗ്രാമപഞ്ചായത്തിലെ പോളച്ചിറ നാഷണല്‍ ഫിഷ് സീഡ് ഫാമില്‍ ദിവസവേതന അടിസ്ഥാനത്തില്‍ ഡ്രൈവര്‍ കം ഓഫീസ് അറ്റന്‍ഡര്‍ നിയമനം നടത്തുന്നു. യോഗ്യത: ഏഴാം ക്ലാസ,് ലൈറ്റ് മോട്ടോര്‍ വെഹിക്കിള്‍ ലൈസന്‍സ്. ഉദ്യോഗാര്‍ഥികള്‍ ലൈസന്‍സ്, ജനന തീയതി, വിദ്യാഭ്യാസ യോഗ്യത എന്നിവ തെളിയിക്കുന്ന അസല്‍ രേഖകള്‍, ആധാര്‍ സഹിതം ഒക്ടോബര്‍ എട്ട് രാവിലെ 11 ന് പോളച്ചിറ നാഷണല്‍ ഫിഷ് സീഡ് ഫാമില്‍ അഭിമുഖത്തിന് ഹാജരാകണം. ഫോണ്‍: 9745569181.
ആനപാപ്പാന്‍ നിയമനം
വനം വന്യജീവി വകുപ്പ് കോന്നി വനം ഡിവിഷനില്‍ ആനപാപ്പാന്‍ തസ്തികയില്‍ ദിവസവേതന അടിസ്ഥാനത്തില്‍ നിയമനം നടത്തുന്നു. യോഗ്യത: ക്യാപ്റ്റീവ് എലിഫന്റ് കൈകാര്യം ചെയ്യുന്നതിലും പരിപാലിക്കുന്നതിലും ആവശ്യമായ പരിചയം, ബന്ധപ്പെട്ട ചട്ടങ്ങള്‍, സര്‍ക്കാര്‍ ഉത്തരവുകള്‍ പ്രകാരമുള്ള നിശ്ചിത പരിചയം, ആനകളെ കൈകാര്യം ചെയ്യാന്‍ ആവശ്യമായ ആരോഗ്യവും കായിക ക്ഷമതയും ഉണ്ടാകണം, കാഴ്ച, കേള്‍വി ഉള്‍പ്പെടെയുള്ള മെഡിക്കല്‍ ഫിറ്റ്‌നസ്, ബന്ധപ്പെട്ട അധികാരി ആവശ്യപ്പെടുന്ന മറ്റ് യോഗ്യതകളും നിബന്ധനകളും പാലിച്ചിരിക്കണം, അംഗീകൃത ആന ഉടമസ്ഥനില്‍ നിന്നോ വനം വകുപ്പില്‍ നിന്നോ ലഭിച്ച അഞ്ച് വര്‍ഷത്തില്‍ കുറയാത്ത പാപ്പാന്‍/കാവടി പരിചയ സര്‍ട്ടിഫിക്കറ്റ്. പ്രായപരിധി: 18-60 (നിയമാനുസൃതമായ വയസിളവ് ബാധകം). പ്രവൃത്തി പരിചയ സര്‍ട്ടിഫിക്കറ്റ്, ആധാര്‍, തിരിച്ചറിയല്‍ രേഖ, വയസ് തെളിയിക്കുന്ന രേഖ സഹിതം വെള്ള പേപ്പറില്‍ തയ്യാറാക്കിയ അപേക്ഷ സമര്‍പ്പിക്കണം. അവസാന തീയതി ഒക്ടോബര്‍ 12. ആനയുമായുളള പരീക്ഷണാടിസ്ഥാനത്തിലുള്ള പരിശോധനയുടെ അടിസ്ഥാനത്തിലാണ് തിരഞ്ഞെടുപ്പ്. ഫോണ്‍: 0468 2342005, 8547600610.
മഞ്ഞാടി ഡക്ക് ഹാച്ചറി ആന്റ് ട്രെയിനിംഗ് ഇന്‍സ്റ്റിറ്റ്യൂട്ടില്‍ പരിശീലനം
തിരുവല്ല മഞ്ഞാടി ഡക്ക് ഹാച്ചറി ആന്റ് ട്രെയിനിങ് ഇന്‍സ്റ്റിറ്റ്യൂട്ട് വിവിധ പരിശീലന പരിപാടികള്‍ നടത്തുന്നു. ഫോണ്‍: 0469 2965535.
പരിശീലനത്തിന്റെ പേര്, തീയതി, സമയം ക്രമത്തില്‍
വ്യാവസായിക അടിസ്ഥാനത്തില്‍ കറവപ്പശു പരിപാലനം, ഒക്ടോബര്‍ 14-15, രാവിലെ 10 മുതല്‍ വൈകിട്ട് അഞ്ചുവരെ
എരുമ വളര്‍ത്തല്‍, ഒക്ടോബര്‍ 28-29, രാവിലെ 10 മുതല്‍ വൈകിട്ട് അഞ്ചുവരെ.
ശബരിമല തീര്‍ഥാടനകാലത്തെ റോഡ് സുരക്ഷയ്ക്ക് പത്തനംതിട്ടയ്ക്ക് 4.25 കോടി
16 റോഡ് സുരക്ഷാ പദ്ധതികള്‍ക്ക് കേരള റോഡ് സുരക്ഷാ അതോറിറ്റിയുടെ ഭരണാനുമതി- നാളുകളായുള്ള ആവശ്യം യാഥാര്‍ഥ്യമായി
പത്തനംതിട്ട: ശബരിമല തീര്‍ഥാടനകാലത്ത് റോഡുകളില്‍ തീര്‍ഥാടകരുടെയും പൊതുജനങ്ങളുടെയും സുരക്ഷ ഉറപ്പാക്കുന്നതിനായി പത്തനംതിട്ട ജില്ലയിലെ വിവിധ റോഡുകളില്‍ റോഡ് സുരക്ഷാ പ്രവര്‍ത്തനങ്ങള്‍ നടപ്പാക്കാന്‍ 4.25 കോടി രൂപയുടെ ഭരണാനുമതി ലഭിച്ചു. കേരള റോഡ് സുരക്ഷാ അതോറിറ്റിയുടെ (കെ.ആര്‍.എസ്.എ.) ഫണ്ടില്‍നിന്നാണ് തുക അനുവദിച്ചിരിക്കുന്നത്.
ശബരിമല തീര്‍ഥാടനവുമായി ബന്ധപ്പെട്ട് വര്‍ഷങ്ങളായി ജില്ലയില്‍ ആവശ്യപ്പെട്ടുവരുന്ന പ്രധാന ആവശ്യങ്ങളിലൊന്നായിരുന്നു റോഡ് സുരക്ഷാ സംവിധാനങ്ങള്‍ ശക്തിപ്പെടുത്തുന്നതിനുള്ള പ്രത്യേക ഫണ്ട്. തീര്‍ഥാടകരുടെ എണ്ണം വര്‍ധിക്കുന്ന സാഹചര്യത്തില്‍ അപകടസാധ്യതയുള്ള റോഡുകളില്‍ ആവശ്യമായ സുരക്ഷാ സംവിധാനങ്ങള്‍ ഒരുക്കുന്നതിനും റോഡുകളുടെ സുരക്ഷ മെച്ചപ്പെടുത്തുന്നതിനും ഫണ്ട് അനുവദിക്കണമെന്ന ആവശ്യം തുടര്‍ച്ചയായി ഉന്നയിച്ചുവരികയായിരുന്നു എന്നും ഇപ്പോള്‍ അതിന് ഭരണാനുമതി ലഭിച്ചത് പത്തനംതിട്ട ജില്ലയ്ക്ക് വലിയ നേട്ടമാണ് എന്നും ജില്ല കലക്ടര്‍ എ നിസാമുദ്ദീന്‍ ഐഎഎസ് പറഞ്ഞു.
റോഡ് സുരക്ഷാ പ്രവര്‍ത്തനങ്ങള്‍ ശബരിമല തീര്‍ഥാടനകാലത്തിന് മുമ്പായി പൂര്‍ത്തിയാക്കുന്നതിനാണ് ലക്ഷ്യമിടുന്നത് എന്ന് ജില്ല കലക്ടര്‍ അറിയിച്ചു. റോഡ് സുരക്ഷാ പ്രവര്‍ത്തനങ്ങളുടെ അടിയന്തര പ്രാധാന്യം കണക്കിലെടുത്ത് ഓരോ പ്രവൃത്തിക്കും പി.ഡബ്ല്യു.ഡി. മാനുവല്‍ പ്രകാരം ആവശ്യമായ കുറഞ്ഞ സമയപരിധിയില്‍ പൂര്‍ത്തീകരണം ഉറപ്പാക്കണമെന്ന് കെ.ആര്‍.എസ്.എ. നിര്‍ദേശിച്ചിട്ടുണ്ട്.
സംസ്ഥാനത്താകെ ശബരിമല റോഡ് സുരക്ഷയ്ക്കായി പി.ഡബ്ല്യു.ഡി സമര്‍പ്പിച്ച 60 പദ്ധതികള്‍ക്ക് ആകെ 13.1992 കോടി രൂപയുടെ ഭരണാനുമതിയാണ് നല്‍കിയിരിക്കുന്നത്. പത്തനംതിട്ട ജില്ലയിലെ 16 പദ്ധതികള്‍ക്കായി 4.25 കോടി രൂപയാണ് വകയിരുത്തിയിരിക്കുന്നത്.
പത്തനംതിട്ട ജില്ലയിലെ വിവിധ റോഡ് സെക്ഷനുകളിലായി റോഡ് സുരക്ഷാ നടപടികള്‍, ട്രാഫിക് സുരക്ഷാ പ്രവര്‍ത്തനങ്ങള്‍, ക്രാഷ് ബാരിയറുകള്‍ സ്ഥാപിക്കല്‍, അപകടസാധ്യതയുള്ള ഭാഗങ്ങളില്‍ ആവശ്യമായ സുരക്ഷാ സംവിധാനങ്ങള്‍ ഒരുക്കല്‍ തുടങ്ങിയ പ്രവര്‍ത്തനങ്ങളാണ് പദ്ധതികളില്‍ ഉള്‍പ്പെടുത്തിയിരിക്കുന്നത്.
പ്രധാന പദ്ധതികള്‍
ഏറ്റവും കൂടുതല്‍ തുക മണ്ണാറക്കുളഞ്ഞിപമ്പ റോഡില്‍ റോഡ് സുരക്ഷാ നടപടികള്‍ക്കായിട്ടാണ് അനുവദിച്ചിരിക്കുന്നത്. ഒരു കോടി രൂപ.
കോഴഞ്ചേരി റോഡ്‌സ് സെക്ഷനില്‍ വിവിധ റോഡുകളില്‍ റോഡ് സുരക്ഷാ പ്രവര്‍ത്തനങ്ങള്‍ക്കായി 15 ലക്ഷം, പന്തളം റോഡ്‌സ് സെക്ഷനില്‍ 10 ലക്ഷം, തിരുവല്ല റോഡ്‌സ് സെക്ഷനില്‍ 25 ലക്ഷം, പത്തനംതിട്ട റോഡ്‌സ് സെക്ഷനില്‍ വിവിധ റോഡുകളില്‍ ക്രാഷ് ബാരിയര്‍ ഉള്‍പ്പെടെയുള്ള സുരക്ഷാ സംവിധാനങ്ങള്‍ക്കായി 15 ലക്ഷം എന്നിങ്ങനെയാണ് തുക പ്രധാനമായി അനുവദിച്ചിട്ടുള്ളത്.
പത്തനംതിട്ട, റാന്നി, കോന്നി, അടൂര്‍ തുടങ്ങിയ റോഡ് സെക്ഷനുകളിലും വിവിധ റോഡുകളില്‍ റോഡ് സുരക്ഷാ പ്രവര്‍ത്തനങ്ങള്‍ക്കായി തുക അനുവദിച്ചിട്ടുണ്ട്. റാന്നി റോഡ്‌സ് സെക്ഷനിലെ വിവിധ റോഡുകളില്‍ 25 ലക്ഷം, കോന്നി റോഡ്‌സ് സെക്ഷനില്‍ 15 ലക്ഷം, അടൂര്‍ റോഡ്‌സ് സെക്ഷനില്‍ 20.17 ലക്ഷം, വെണ്ണിക്കുളം റോഡ്‌സ് സെക്ഷനില്‍ 5 ലക്ഷം തുടങ്ങിയ തുകകള്‍ പദ്ധതികള്‍ക്കായി അനുവദിച്ചിട്ടുണ്ട്.
ളാഹ റോഡ്‌സ് സെക്ഷനിലെ വിവിധ റോഡുകളില്‍ സുരക്ഷാ നടപടികള്‍ക്കായി 25 ലക്ഷം, ഇരവിപേരൂര്‍ റോഡ്‌സ് സെക്ഷനില്‍ 15 ലക്ഷം, മല്ലപ്പള്ളി മേഖലയിലെ റോഡുകളില്‍ 18 ലക്ഷം, ഉള്‍പ്പെടെയുള്ള പദ്ധതികളും പത്തനംതിട്ട ജില്ലയുടെ വിഹിതത്തിലുണ്ട്.
നാഷണല്‍ ഹൈവേ 183 എ – മണ്ണാരക്കുളഞ്ഞി- പ്ലാപ്പള്ളി റോഡില്‍ 24.98 ലക്ഷം രൂപയുടെ പ്രവൃത്തികള്‍ക്ക് അനുമതി ലഭിച്ചു.
സ്റ്റേറ്റ് ഹൈവേ എട്ട്- കോന്നി- പ്ലാച്ചേരി റോഡിലെ പ്രവൃത്തികള്‍ക്കായി 37.04 ലക്ഷം രൂപയുടെ ഭരണാനുമതി ലഭിച്ചു.
ഇതോടെ ശബരിമലയിലേക്ക് എത്തുന്ന പ്രധാന പാതകളിലും തീര്‍ഥാടകരുടെ വലിയ തിരക്ക് അനുഭവപ്പെടുന്ന മറ്റ് പ്രധാന റോഡുകളിലും ആവശ്യമായ റോഡ് സുരക്ഷാ സംവിധാനങ്ങള്‍ കൂടുതല്‍ ശക്തിപ്പെടുത്താന്‍ കഴിയും. ശബരിമല തീര്‍ഥാടനകാലത്ത് ലക്ഷക്കണക്കിന് തീര്‍ഥാടകര്‍ സഞ്ചരിക്കുന്ന പത്തനംതിട്ട ജില്ലയിലെ പ്രധാന റോഡുകളില്‍ സുരക്ഷാ സംവിധാനങ്ങള്‍ ശക്തിപ്പെടുത്തുന്നതിന് ലഭിച്ച ഈ പ്രത്യേക ഫണ്ട് ജില്ലയുടെ റോഡ് സുരക്ഷാ അടിസ്ഥാനസൗകര്യങ്ങള്‍ മെച്ചപ്പെടുത്തുന്നതില്‍ നിര്‍ണായകമായ ഇടപെടലായി മാറും. വര്‍ഷങ്ങളായി ഉന്നയിച്ചുവരുന്ന ആവശ്യം യാഥാര്‍ഥ്യമാകുന്നതോടെ ഇത്തവണത്തെ ശബരിമല തീര്‍ഥാടനകാലത്ത് തീര്‍ഥാടകര്‍ക്ക് കൂടുതല്‍ സുരക്ഷിതമായ യാത്രാ സാഹചര്യം ഒരുക്കാനും സാധിക്കും.
എസ്എഫ്ഐ സംസ്ഥാന വ്യാപകമായി നടത്തിയ പഠിപ്പ് മുടക്ക് റാന്നിയിൽ സമ്പൂർണ്ണം
- എസ് എഫ് ഐ സംസ്ഥാന സെക്രട്ടറി ഉൾപ്പടെയുള്ള നിരവധി പ്രവർത്തകർക്കെതിരെ തിരുവനന്തപുരത്ത് പോലീസ് യൂത്ത് കോൺഗ്രസ്‌ ആക്രമണത്തിൽ പ്രതിഷേധിച്ച് എസ്എഫ്ഐ സംസ്ഥാന വ്യാപകമായി നടത്തിയ പഠിപ്പ് മുടക്ക് റാന്നിയിൽ പൂർണമായിരുന്നു സ്കൂൾ, കോളേജ്, പോളിടെക്‌നിക്, ഐ റ്റി ഐ തുടങ്ങി എല്ലാ വിദ്യാഭ്യാസ സ്ഥാപനത്തിലും പഠിപ്പ് മുടക്ക് നടത്തി
എസ് എഫ് ഐ റാന്നി ഏരിയ കമ്മിറ്റിയുടെ നേതൃത്വത്തിൽ എസ്.സി സ്കൂളിൽ നടത്തിയ പ്രതിഷേധം എസ്എഫ്ഐ ജില്ല കമ്മിറ്റി അംഗം അലൻ സാം ബിനു ഉദ്ഘാടനം ചെയ്തു.
സെന്റ് തോമസ് കോളേജിൽ നടന്ന പ്രതിഷേധം ഏരിയ ജോ സെക്രട്ടറി കെ എസ് അഭിരാജ് ഉദ്ഘാടനം ചെയ്തുഏരിയ കമ്മിറ്റി അംഗങ്ങളായ ജോയൽ, മെൽബിൻ തുടങ്ങിയവർ സംസാരിച്ചു
പത്തനംതിട്ട വെച്ചുച്ചിറയിലുള്ള ജവഹർ നവോദയ : അപേക്ഷിക്കേണ്ട തീയതി നീട്ടി
പത്തനംതിട്ട വെച്ചുച്ചിറയിലുള്ള ജവഹർ നവോദയ വിദ്യാലയത്തിൽ 2027-28 അധ്യയന വർഷത്തിലേക്ക് 9, 11 ക്ലാസുകളിലെ ഒഴിവുള്ള സീറ്റുകളിലേക്ക് ലാറ്ററൽ എൻട്രി പ്രവേശന പരീക്ഷയ്ക്ക് ഒക്ടോബർ 15 വരെ അപേക്ഷിക്കാം.
പരീക്ഷ 10 ഏപ്രിൽ 2027-ന് നടക്കും. അപേക്ഷകൾ 15 ഒക്ടോബർ 2026-നകം ഓൺലൈനായി സമർപ്പിക്കണം.
പത്തനംതിട്ട ജില്ലയിൽ സ്ഥിരതാമസക്കാരും , ജില്ലയിലെ ഏതെങ്കിലും സർക്കാർ / സർക്കാർ അംഗീകൃത വിദ്യാലയത്തിൽ പഠിക്കുന്നവരുമായ വിദ്യാർത്ഥികൾക്കാണ് അപേക്ഷിക്കാൻ അർഹത.
അപേക്ഷിക്കേണ്ട വെബ്സൈറ്റുകൾ:
9-ാം ക്ലാസ്: https://cbseitms.nic.in/2026/nvsix_9
11-ാം ക്ലാസ്: https://cbseitms.nic.in/2026/nvsxi_11
കൂടുതൽ വിവരങ്ങൾക്ക്: *ജവഹർ നവോദയ വിദ്യാലയം, വെച്ചൂച്ചിറ ഓഫീസുമായി ബന്ധപ്പെടുക. ഫോൺ: 04735 294263, 9400220039, 9591196535
പ്രിൻസിപ്പൽ
13 കാരനായ ആൺകുട്ടിയോട് ലൈംഗിക അതിക്രമം കാട്ടിയ പ്രതി റിമാൻഡിലായി
പത്തനംതിട്ടയിൽ13 കാരനായ ആൺകുട്ടിയോട് ലൈംഗിക അതിക്രമം കാട്ടിയ പ്രതിയെ പത്തനംതിട്ട പോലീസ് അറസ്റ്റ് ചെയ്തു. പത്തനംതിട്ട വെട്ടിപ്പുറം മുണ്ടുകോട്ടക്കൽ വേങ്ങനിൽക്കുന്നതിൽ വീട്ടിൽ അനിൽകുമാർ (48) ആണ് പത്തനംതിട്ട പോലീസിന്റെ പിടിയിലായത്.ബുധനാഴ്ച വൈകിട്ട് നാലുമണിയോടെ സ്കൂൾ വിട്ട് വീട്ടിലേക്ക് പോവുകയായിരുന്ന ആൺകുട്ടിയെ പ്രതി സമീപിച്ച് ലൈംഗിക ഉദ്ദേശത്തോടെ സംസാരിക്കുകയും പെരുമാറുകയും ചെയ്തു. അമ്മയോടൊപ്പം പത്തനംതിട്ട സ്റ്റേഷനിൽ എത്തിയ കുട്ടിയുടെ മൊഴി രേഖപ്പെടുത്തി കേസ് രജിസ്റ്റർ ചെയ്യുകയും രാത്രിയോടെതന്നെ പ്രതിയെ അറസ്റ്റ് ചെയ്യുകയും ചെയ്തു.
പത്തനംതിട്ട സർക്കിൾ ഇൻസ്പെക്ടർ അരുൺ ജി യുടെ നേതൃത്വത്തിൽ എസ് ഐ മാരായ അനീഷ് എബ്രഹാം എസ് എച്ച് ഒ , ബിനോജ്, ഹരി കൃഷ്ണൻ
എസ് സി പി ഒ മാരായ അൽസാം , സന്ദീപ് ,രാജേഷ് എന്നിവർ അടങ്ങിയ പോലീസ് സംഘമാണ് വളരെ വേഗത്തിൽ പ്രതിയെ അറസ്റ്റ് ചെയ്തത്. പത്തനംതിട്ട ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
സ്വഛ്ചത ഹി സേവ” ശുചീകരണ ക്യാംപെയ്ൻ മല്ലപ്പള്ളി ബ്ലോക്ക് പഞ്ചായത്ത് തല ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് ശോശാമ്മ തോമസ് ഉദ്ഘാടനം ചെയ്തു
ഗാന്ധിജയന്തി വാരാഘോഷത്തിൻ്റെ ഭാഗമായി “സ്വഛ്ചത ഹി സേവ” ശുചീകരണ ക്യാംപെയ്ൻ മല്ലപ്പള്ളി ബ്ലോക്ക് പഞ്ചായത്ത് തല ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് ശോശാമ്മ തോമസ് ഉദ്ഘാടനം ചെയ്തു. ബ്ലോക്ക് പഞ്ചായത്ത് വൈസ് പ്രസിഡന്റ് എബി മേക്കരിങ്ങാട്ട് അധ്യക്ഷത വഹിച്ചു. ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി അദ്ധ്യക്ഷരായ ലക്ഷ്മി അജിത്, മുഹമ്മദ്‌ ഇസ്മായിൽ, ബ്ലോക്ക് പഞ്ചായത്ത് അംഗങ്ങളായ രഞ്ജിനി അജിത്ത്, ലിബിൻ ജോസഫ്, കൃഷ്ണൻകുട്ടി മുള്ളൻകുഴി, സി പി മാത്യു, ഷിനി കെ പിള്ള, മല്ലപ്പള്ളി പഞ്ചായത്ത് അംഗം മിനികുമാരി, സെക്രട്ടറി സാം കെ സലാം തുടങ്ങിയവർ പ്രസംഗിച്ചു.
റാന്നി ഇട്ടിയപ്പാറ ടൗണിൽ കോളജ് റോഡിൽ പലചരക്ക് കടയിൽ നിന്ന് 8 ലിറ്റർ വിദേശമദ്യവും 3000 രൂപയും റാന്നി എക്സൈസ് പിടികൂടി
റാന്നി ഇട്ടിയപ്പാറ ടൗണിൽ കോളജ് റോഡിൽ പലചരക്ക് കടയിൽ നിന്ന് 8 ലിറ്റർ വിദേശമദ്യവും 3000 രൂപയും റാന്നി എക്സൈസ് പിടികൂടി
റാന്നി ടൗണിൽ ഇട്ടിയപ്പാറ കോളജ് റോഡിൽ പലചരക്ക് കട കേന്ദ്രീകരിച്ച് മദ്യവില്പന നടത്തുന്നതായുള്ള പരാതിയെ തുടർന്ന് റാന്നി എക്സൈസ് സർക്കിൾ ഇൻസ്പെക്ടർ സച്ചിൻ എസ്എസും പാർട്ടിയും വ്യാഴം 3 മണിക്ക് നടത്തിയ പരിശോധനയിൽ പലചരക്ക് കടയുടെ അകത്ത് നിന്നും 8 ലിറ്റർ 16 ബോട്ടിലിൽ വിദേശ മദ്യവും മദ്യവിൽപ്പന നടത്തിയതിൽ ലഭിച്ച 3000 രൂപയും കണ്ടെടുത്തു.റാന്നി പഴവങ്ങാടി വില്ലേജിൽ ഇടിയപ്പാറ വാവോലിയിൽ തോമസ് എബ്രഹാമിനെ അറസ്റ്റ് ചെയ്ത് കേസ് എടുത്തു. റാന്നി കോടതിയിൽ ഹാജരാക്കിയ പ്രതിയെ റിമാണ്ട് ചെയ്തു. അസി. ഇൻസ്പെക്ടർമാരായ ഹരിഹരൻ ഉണ്ണി, ശ്രീകുമാർ പി, സിവിൽ എക്സൈസ് ഓഫീസർമാരായമാരായ രതീഷ്.ആർ.വി, അഫ്സൽ നാസർ, ഡ്രൈവർ സുരേഷ് കുമാർ.എസ് എന്നിവരും പരിശോധനയിൽ പങ്കെടുത്തു.
റാന്നി ഇട്ടിയപ്പാറ ടൗണിൽ കോളജ് റോഡിൽ പലചരക്ക് കടയിൽ നിന്ന് 8 ലിറ്റർ വിദേശമദ്യവും 3000 രൂപയും റാന്നി എക്സൈസ് പിടികൂടി
റാന്നി ഇട്ടിയപ്പാറ ടൗണിൽ കോളജ് റോഡിൽ പലചരക്ക് കടയിൽ നിന്ന് 8 ലിറ്റർ വിദേശമദ്യവും 3000 രൂപയും റാന്നി എക്സൈസ് പിടികൂടി
റാന്നി ടൗണിൽ ഇട്ടിയപ്പാറ കോളജ് റോഡിൽ പലചരക്ക് കട കേന്ദ്രീകരിച്ച് മദ്യവില്പന നടത്തുന്നതായുള്ള പരാതിയെ തുടർന്ന് റാന്നി എക്സൈസ് സർക്കിൾ ഇൻസ്പെക്ടർ സച്ചിൻ എസ്എസും പാർട്ടിയും വ്യാഴം 3 മണിക്ക് നടത്തിയ പരിശോധനയിൽ പലചരക്ക് കടയുടെ അകത്ത് നിന്നും 8 ലിറ്റർ 16 ബോട്ടിലിൽ വിദേശ മദ്യവും മദ്യവിൽപ്പന നടത്തിയതിൽ ലഭിച്ച 3000 രൂപയും കണ്ടെടുത്തു.റാന്നി പഴവങ്ങാടി വില്ലേജിൽ ഇടിയപ്പാറ വാവോലിയിൽ തോമസ് എബ്രഹാമിനെ അറസ്റ്റ് ചെയ്ത് കേസ് എടുത്തു. റാന്നി കോടതിയിൽ ഹാജരാക്കിയ പ്രതിയെ റിമാണ്ട് ചെയ്തു. അസി. ഇൻസ്പെക്ടർമാരായ ഹരിഹരൻ ഉണ്ണി, ശ്രീകുമാർ പി, സിവിൽ എക്സൈസ് ഓഫീസർമാരായമാരായ രതീഷ്.ആർ.വി, അഫ്സൽ നാസർ, ഡ്രൈവർ സുരേഷ് കുമാർ.എസ് എന്നിവരും പരിശോധനയിൽ പങ്കെടുത്തു.