കൊലക്കേസ് പ്രതികളെ അറസ്റ്റ് ചെയ്തത് മണിക്കൂറുകൾക്കുള്ളിൽ

ചിറ്റാർ സ്വദേശി സന്ദീപ് (35) S/O സദാനന്ദൻ , പതാലിൽ വീട് കൊടുമുടി, ചിറ്റാർ എന്നയാളെ ഇന്നലെ രാത്രിയാണ് കൊടുമുടി എന്ന സ്ഥലത്ത് ഒരു റബ്ബർ തോട്ടത്തിൽ മരണപ്പെട്ട നിലയിൽ കണ്ടെത്തിയത്.
മരണത്തിൽ ബന്ധുക്കൾ സംശയം പ്രകടിപ്പിച്ചതോടെ ജില്ലാ പോലീസ് മേധാവി ആർ ആനന്ദ് ന്റെ നിർദ്ദേശാനുസരണം അന്വേഷണത്തിനായി പ്രത്യേക സംഘത്തെ നിയോഗിച്ചിരുന്നു. വിവിധ സംഘങ്ങളായി തിരിഞ്ഞ് നടത്തിയ അന്വേഷണത്തിൽ ഈ കേസിലെ പ്രതികൾ എന്ന് സംശയിക്കുന്ന ചിലരെ മലയാലപ്പുഴ പോലീസ് സ്റ്റേഷൻ പരിധിയിലെ ചെങ്ങറ എന്ന സ്ഥലത്ത് വെച്ച് കാണപ്പെടുകയും പോലീസ് സംഘം ഇവരെ കസ്റ്റഡിയിൽ എടുക്കുകയും ചെയ്തിരുന്നു. സംഘത്തിൽ ഒരാളുടെ കയ്യിൽ ഒരു നാടൻ തോക്ക് കാണപ്പെടുകയും , സംഘത്തിൽ ഉണ്ടായിരുന്ന മൂന്നു പേരെയും പോലീസ് കസ്റ്റഡിയിൽ എടുക്കുകയും ചെയ്തു. മലയാലപ്പുഴ പോലീസ് സ്റ്റേഷൻ പരിധിയിൽ ചെങ്ങറ കടപുഴ എന്ന സ്ഥലത്ത് ദേവിവിലാസം വീട്ടിൽ സുരേഷ് കുമാർ (58) , പെരുനാട് പോലീസ് സ്റ്റേഷൻ പരിധിയിൽ അട്ടത്തോട് എന്ന സ്ഥലത്ത് കൃഷ്ണവിലാസം വീട്ടിൽ കൃഷ്ണൻകുട്ടി (55) , പെരുനാട് പോലീസ് സ്റ്റേഷൻ പരിധിയിൽ അട്ടത്തോട് എന്ന സ്ഥലത്ത് മൂഴിക്കൽ വീട്ടിൽ ഗോപി (60) എന്നിവരെയാണ് കൂടൽ പോലീസ് സ്റ്റേഷനിലെ സബ് ഇൻസ്പെക്ടർ ജയ്മോൻ ന്റെ നേതൃത്വത്തിലുള്ള അന്വേഷണസംഘം കസ്റ്റഡിയിൽ എടുത്തത്. ഒന്നാംപ്രതി സുരേഷ് കുമാറിന്റെ കൈവശത്തു നിന്നും നാടൻ തോക്ക് പിടിച്ചെടുത്തത് കൂടാതെ, ഇവർ സഞ്ചരിച്ചു വന്ന ടവേര വാഹനം പരിശോധിച്ചതിൽ വാഹനത്തിൽ നിന്നും , നാടൻ തോക്കിൽ ഉപയോഗിക്കുന്ന വെടിമരുന്ന് , വെടിയുണ്ടകൾ , വാൾ, പിച്ചാത്തി, വെട്ടുകത്തി ആംഗിൾ രൂപത്തിലുള്ള ഇരുമ്പ് കഷ്ണങ്ങൾ, തുടങ്ങിയ ആയുധങ്ങളും കണ്ടെടുത്തു. തുടർന്ന് ഇവരെ ചിറ്റാർ സ്റ്റേഷനിൽ എത്തിച്ച് അറസ്റ്റ് രേഖപ്പെടുത്തുകയും ആയുധ നിയമമനുസരിച്ച് ഉള്ള കേസ് രജിസ്റ്റർ ചെയ്യുകയും, കൂടുതലായി ചോദ്യം ചെയ്യുകയും ചെയ്തു. സന്ദീപിന്റെ പോസ്റ്റ്മോർട്ടം പരിശോധനയിൽ വാരിയെല്ല് പൊട്ടി ശ്വാസകോശത്തിലും കരളിലും കയറിയതാണ് മരണകാരണം എന്ന് വെളിവായതോടെ പ്രതികൾ കുറ്റം സമ്മതിച്ചു.
തുടർന്ന് തോക്ക് ഉൾപ്പെടെയുള്ള ആയുധങ്ങൾ കൈവശം വച്ചു എന്ന കേസിൽ
മൂന്ന് പ്രതികളെയും കോടതിയിൽ ഹാജരാക്കി റിമാൻഡ് ചെയ്യുകയും ചെയ്തിട്ടുള്ളതാണ്. മരണപ്പെട്ട നിലയിൽ കണ്ടെത്തിയ സന്ദീപുമായി കൃഷ്ണൻകുട്ടി ഗോപി എന്നിവർക്ക് ശത്രുതയുള്ളതായി മനസ്സിലാക്കിയിട്ടുണ്ട്. സന്ദീപിന്റെ മരണവുമായി ബന്ധപ്പെട്ട് അസ്വാഭാവിക മരണത്തിന് ഇപ്പോൾ രജിസ്റ്റർ ചെയ്തിരിക്കുന്ന കേസിന്റെ വകുപ്പുകൾ കോടതിയിൽ അപേക്ഷ നൽകി , മാറ്റങ്ങൾ വരുത്തുകയും കൃഷ്ണൻകുട്ടി ഗോപി എന്നിവരെ പ്രതികളായി ചേർക്കുകയും ചെയ്യുമെന്നും ജില്ലാ പോലീസ് മേധാവി അറിയിച്ചു. പ്രതികളിൽനിന്ന് തോക്ക് കണ്ടെത്തിയ സ്ഥലം മലയാലപ്പുഴ പോലീസ് സ്റ്റേഷൻ പരിധിയിൽ ആയതിനാൽ ആ കേസ് മലയാലപ്പുഴ പോലീസ് സ്റ്റേഷനിൽ അന്വേഷണം നടത്തുന്നതിനായി ട്രാൻസ്ഫർ ചെയ്യാൻ നിർദ്ദേശം നൽകിയിട്ടുണ്ടെന്നും ജില്ലാ പോലീസ് മേധാവി അറിയിച്ചു.

ജില്ലാ പോലീസ് മേധാവി ആർ ആനന്ദ് ന്റെ നിർദ്ദേശാനുസരണം ജില്ലയിലെ 220 ലധികം കേന്ദ്രങ്ങളിൽ പരിശോധന നടത്തി ജില്ലാ പോലീസ് . ഓപ്പറേഷൻ തൂഫാൻ (നാർക്കോ ഹണ്ട് ) പദ്ധതിയുടെ ഭാഗമായി അന്യസംസ്ഥാന തൊഴിലാളികൾ കൂടുതലായി താമസിക്കുന്ന സ്ഥലങ്ങൾ , അന്യസംസ്ഥാന തൊഴിലാളികൾ ജോലിയെടുക്കുന്ന സ്ഥാപനങ്ങൾ, കൂടാതെ ജില്ലാ പോലീസ് മേധാവിയുടെ പ്രത്യേക നിർദ്ദേശാനുസരണം ജില്ലാ രഹസ്യാന്വേഷണ വിഭാഗം തയ്യാറാക്കിയ ലിസ്റ്റ് അനുസരിച്ചുള്ള ‘ ഹോട്ട് സ്പോട്ടുകൾ ‘ , കൂടാതെ ജില്ലയിലെ ലോഡ്ജുകൾ , ഹോട്ടലുകൾ , മറ്റ് സംശയാസ്പദമായ സ്ഥലങ്ങൾ എന്നിവിടങ്ങളിലെല്ലാം പരിശോധന നടത്തി. വിവിധ ഇടങ്ങളിൽ നിന്നായി കഞ്ചാവ് , എം ഡി എം എ ഉൾപ്പെടെ നിരോധിത പുകയില ഉൽപ്പന്നങ്ങൾ എന്നിവയും പിടിച്ചെടുത്തു. കർശനമായ പരിശോധനകൾ രാത്രിയും പകലും ഉണ്ടാകുമെന്നും , അറസ്റ്റിലാകുന്നവർക്കെതിരെ കർശന നിയമനടപടികൾ സ്വീകരിക്കുമെന്നും ജില്ലാ പോലീസ് മേധാവി അറിയിച്ചു.

പെരുമ്പെട്ടി , അടൂർ എന്നിവിടങ്ങളിൽ എംഡിഎംഎ പിടിച്ചെടുത്തതിലേക്ക് ഓരോ കേസ് രജിസ്റ്റർ ചെയ്തിട്ടുണ്ട്.പരിശോധനയിൽ കഞ്ചാവ് കൈവശം വെച്ചതിന്
പന്തളം , തിരുവല്ല ആറ് കേസുകളും
ഏനാത്ത് മൂന്നു കേസുകളും , പത്തനംതിട്ട , കീഴ്വായ്പൂർ , കോയിപ്പുറം , കൊടുമൺ എന്നീ സ്റ്റേഷനുകളിൽ രണ്ട് കേസ് വീതവും , അടൂർ , ഇലവുംതിട്ട , പെരുനാട് , ചിറ്റാർ , റാന്നി എന്നിവിടങ്ങളിൽ ഓരോ കേസും രജിസ്റ്റർ ചെയ്തിട്ടുണ്ട്.

പത്തനംതിട്ട പെരുമ്പട്ടിയിൽ 1.5ഗ്രാം എം.ഡി.എം.എയുമായി യുവാവിനെ പെരുമ്പട്ടി പൊലീസ് അറസ്റ്റു ചെയ്തു. ഏഴുമറ്റൂർ പുത്തൻപുരക്കൽ
ഷർഫിൻ സെബാസ്റ്റ്യൻ (24) ആണ് പിടിയിലായത്. ഓപ്പറേഷൻ തൂഫാന്റെ ഭാഗമായുള്ള പെരുമ്പെട്ടി പൊലീസിന്റെ പരിശോധനയിലാണ് യുവാവ് കുടുങ്ങിയത്. ചോദ്യം ചെയ്യലുകൾക്ക് ശേഷം കോടതിയിൽ ഹാജരാക്കും

1. 
   Continue

സംസ്ഥാനത്ത് വന്യജീവി – മനുഷ്യ സംഘര്‍ഷം പരിഹരിക്കുന്നതിന് സര്‍ക്കാര്‍ സമഗ്ര പദ്ധതി തയ്യാറാക്കുമെന്ന് വനം വന്യജീവി വകുപ്പ് മന്ത്രി ഷിബു ബേബി ജോണ്‍., റാന്നി വനമേഖലകളിലെ പ്രശ്‌നങ്ങള്‍ കേള്‍ക്കുന്നതിനും പരിഹാരത്തിനുമായി ചേര്‍ന്ന അവലോകന യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.വന്യമൃഗങ്ങളെ വനത്തില്‍ തന്നെ നിലനിര്‍ത്തുന്നത്, അവ നാട്ടിലെത്തിയാല്‍ ആഘാതം കുറയ്ക്കുന്നത്, ദുരിതബാധിതര്‍ക്ക് സമയബന്ധിതമായി നഷ്ടപരിഹാരം എന്നിങ്ങനെ മൂന്ന് ഘടകങ്ങളാണ് പദ്ധതിക്കുള്ളത്. വന്യജീവികള്‍ പുറത്ത് വരുന്നത് തടയാന്‍ വനത്തിനുള്ളിലെ വിഭവങ്ങളുടെ ലഭ്യത പരിശോധിക്കും. കിടങ്ങ്, സൗരോര്‍ജ വേലി, തൂക്കുവേലി തുടങ്ങിയവയോടൊപ്പം ശാസ്ത്രീയ പഠനം നടത്തി പുതിയ മാര്‍ഗങ്ങള്‍ ആവിഷ്‌കരിക്കും. നാട്ടിലെത്തുന്ന വന്യമൃഗങ്ങളെ ജനങ്ങള്‍ക്ക് അപകടം ഉണ്ടാകാതെ തിരികെ അയക്കും. ദുരിതബാധിതര്‍ക്ക് സമയബന്ധിതമായി നഷ്ടപരിഹാരം നല്‍കും. നഷ്ടപരിഹാരത്തുക വര്‍ധിപ്പിക്കുന്നതിന്  മുഖ്യമന്ത്രിയുമായി ചര്‍ച്ചചെയ്ത് നടപടി സ്വീകരിക്കും. കൃഷിനാശത്തിന് ഇന്‍ഷുറന്‍സ് എന്നത് സര്‍ക്കാരിന്റെ പ്രഖ്യാപന ലക്ഷ്യങ്ങളില്‍ ഒന്നാണ്. പൊതുമേഖല ഇന്‍ഷുറന്‍സ് സ്ഥാപനങ്ങളുമായി ചേര്‍ന്ന് പ്രീമിയം കുറഞ്ഞ രീതിയില്‍ ഇത് നടപ്പാക്കും.സംസ്ഥാനത്തെ വനമേഖലകളെ വന്യജീവി സംഘര്‍ഷത്തിന്റെ അടിസ്ഥാനത്തില്‍ 12 ആയി തിരിച്ച് ഓരോ മേഖലയ്ക്കും പ്രത്യേക പദ്ധതി തയ്യാറാക്കും. കാട്ടുപന്നി കൃഷി നശിപ്പിക്കുന്നത് ഉള്‍പ്പെടെയുള്ളവയുടെ പരിഹാരത്തിനായി കേന്ദ്ര വനംവകുപ്പ് മന്ത്രിയുമായി ചര്‍ച്ച നടത്തും. കാട്ടുപന്നികളെ വെടിവയ്ക്കുന്നതിന് കൂടുതല്‍ ഷൂട്ടര്‍മാരെ നിയോഗിക്കും. കാട്ടാനകളെ നാട്ടിലേക്ക് ആകര്‍ഷിക്കുന്ന പ്രധാന ഘടകങ്ങളില്‍ ഒന്നായ ചക്കപ്പഴം അടുത്ത സീസണ്‍ മുതല്‍ മുന്‍കൂട്ടി ശേഖരിച്ച് സംഭരിക്കുന്നതിന് കൃഷിവകുപ്പുമായി ചേര്‍ന്ന് പദ്ധതി തയ്യാറാക്കും. കര്‍ഷകര്‍ക്ക് ന്യായവില നല്‍കി വനാതിര്‍ത്തിയിലുള്ള പ്ലാവുകളിലെ ചക്ക പഴുക്കും മുന്‍പ് ശേഖരിക്കും.വനം വകുപ്പിന്റെ  റാപ്പിഡ് റെസ്‌പോണ്‍സ് ടീമുകളുടെ എണ്ണം വര്‍ധിപ്പിക്കും. വന്യജീവി സംഘര്‍ഷ പ്രതിരോധ പ്രവര്‍ത്തനങ്ങള്‍ക്ക് 192 കോടി രൂപ നടപ്പ് സാമ്പത്തിക വര്‍ഷം വകയിരുത്തി.       വനംവകുപ്പിന്റെ പ്രവൃത്തികള്‍ സമയബന്ധിതമായി പൂര്‍ത്തിയാക്കാത്ത ഏജന്‍സികളെ ഒഴിവാക്കും. വനാതിര്‍ത്തിയിലുള്ള  തദ്ദേശസ്ഥാപനങ്ങളിലെ ജനപ്രതിനിധികള്‍ക്കായി അടുത്ത മാസം തിരുവനന്തപുരത്ത് ശില്‍പശാല സംഘടിപ്പിക്കുമെന്നും അവരുടെ നിര്‍ദ്ദേശങ്ങള്‍ സ്വീകരിച്ച് പദ്ധതികള്‍ ആവിഷ്‌കരിക്കുമെന്നും മന്ത്രി പറഞ്ഞു. രൂക്ഷമാകുന്ന വന്യജീവി- മനുഷ്യ സംഘര്‍ഷം പരിഹരിക്കുന്നതാവശ്യപ്പെട്ട് പഴകുളം മധു എംഎല്‍എ നിയമസഭയില്‍ അടിയന്തര ശ്രദ്ധ ക്ഷണിക്കല്‍ പ്രമേയം അവതരിപ്പിച്ചിരുന്നു. ഇതിനെ തുടര്‍ന്നാണ് മന്ത്രി ജില്ലയിലെത്തിയത്.
റാന്നി വടശ്ശേരിക്കര ഫോറസ്റ്റ് റേഞ്ച് ഓഫീസില്‍ ചേര്‍ന്ന യോഗത്തില്‍ പഴകുളം മധു എംഎല്‍എ അധ്യക്ഷനായി. ആന്റോ ആന്റണി എംപി, ജില്ല പഞ്ചായത്ത് പ്രസിഡന്റ് ദീനാമ്മ റോയി, അഡീഷണല്‍ പ്രിന്‍സിപ്പല്‍ ചീഫ് കണ്‍സര്‍വേറ്റര്‍ ഓഫ് ഫോറസ്റ്റ് (സോഷ്യല്‍ ഫോറസ്റ്ററി)
 പ്രമോദ് ജി കൃഷ്ണന്‍, ദക്ഷിണ മേഖല ചീഫ് ഫോറസ്റ്റ് കണ്‍സര്‍വേറ്റര്‍ ഡോ. ആര്‍ കമലഹാര്‍,  ജില്ലാ കലക്ടര്‍ എ നിസാമുദ്ദീന്‍, റാന്നി ഡി എഫ് ഒ എന്‍ രാജേഷ്, കോന്നി ഡി എഫ്  ഒ ആയുഷ് കുമാര്‍ കോറി,  തദ്ദേശസ്ഥാപന അധ്യക്ഷര്‍,ആര്‍ എസ് പി ജില്ല സെക്രട്ടറി എ എസ് ശിവകുമാര്‍, പൊതുജനങ്ങള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു

സംസ്ഥാന സർക്കാരിന്റെ ലഹരി വിരുദ്ധ പ്രവർത്തനങ്ങളുടെ മുഖമുദ്രയായി മാറിയ ‘തൂഫാൻ  ‘പദ്ധതിയെ നെഞ്ചിലേറ്റി പത്തനംതിട്ട ജില്ലയിലെ വിദ്യാഭ്യാസ സ്ഥാപനങ്ങൾ. ജൂൺ 26 അന്താരാഷ്ട്ര ലഹരി വിരുദ്ധ ദിനമായി ആചരിക്കുന്നതിന്റെ ഭാഗമായി ജില്ലയിലെ മുന്നൂറോളം സ്കൂളുകളിലും 30ലധികം കോളേജുകളിലും അന്താരാഷ്ട്ര ലഹരി വിരുദ്ധ ദിനാചരണത്തിന്റെ ഭാഗമായി ‘തൂഫാൻ വാറിയേഴ്സ് ‘ വിവിധ പരിപാടികൾ സംഘടിപ്പിച്ചു. ജില്ലാ പോലീസ് മേധാവി ആർ ആനന്ദ് ഐപിഎസിന്റെ നിർദ്ദേശപ്രകാരം ജില്ലയിലെ ഡിവൈഎസ്പി മാർ , ഇൻസ്പെക്ടർ എസ് എച്ച് ഒ മാർ എന്നിവർ പരിപാടികൾക്ക് നേതൃത്വം നൽകി.
സ്കൂളിലെ ലഹരിവിരുദ്ധദിനാചരണത്തിന്റെ ഭാഗമായുള്ള പ്രവർത്തനങ്ങൾ പ്രത്യേക അസംബ്ലിയോട് കൂടി ആരംഭിച്ചു. പ്രഥമധ്യാപകർ കുട്ടികൾക്ക് ലഹരി വിരുദ്ധ സന്ദേശം നൽകി. എല്ലാ കുട്ടികളും ലഹരി വിരുദ്ധ പ്രതിജ്ഞ എടുത്തു. ലഹരി വിരുദ്ധ ചങ്ങല, ലഹരിവിരുദ്ധ ദീപം തെളിയിക്കൽ തുടങ്ങിയ പ്രവർത്തനങ്ങൾ നടത്തി. എല്ലാ സ്കൂളുകളിലും കുട്ടികൾ ലഹരിവിരുദ്ധ പോസ്റ്റർ നിർമ്മാണത്തിൽ പങ്കാളികളായി. എസ്പിസി എൻ സി സി കേഡറ്റുകൾ , നാഷണൽ സർവീസ് സ്കീം വളണ്ടിയേഴ്സ് , എന്നിവർ ഉൾപ്പെടെ ചേർന്ന് ജില്ലയുടെ വിവിധ സ്ഥലങ്ങളിൽ ഫ്ലാഷ് മോബുകൾ നടത്തി. ഫ്ലാഷ് മോബുകൾ പൊതുജനങ്ങളുടെ സജീവ ശ്രദ്ധയെ ആകർഷിച്ചു. എല്ലാ സ്ഥലങ്ങളിലും പ്രവർത്തനങ്ങൾക്ക് ഡെപ്യൂട്ടി പോലീസ് സൂപ്രണ്ട്മാർ , ഇൻസ്പെക്ടർ എസ് എച്ച് ഓ മാർ എന്നിവർ നേതൃത്വം നൽകി.

കല്ലുപ്പാറയിൽ 23 ലക്ഷത്തോളം രൂപയുടെ കവർച്ച നടത്തിയ മോഷ്ടാവിനെ ഈരാറ്റുപേട്ടയിൽ നിന്നും അറസ്റ്റ് ചെയ്തു
കല്ലൂപ്പാറ പുതുശ്ശേരി എന്ന സ്ഥലത്ത് മാർച്ച് മാസം പതിനേഴാം തീയതി നടന്ന മോഷണത്തിലാണ് ഇപ്പോൾ അറസ്റ്റ് ഉണ്ടായിരിക്കുന്നത് . തിരുവല്ല തുകലശ്ശേരി സ്വദേശി കുളക്കാട് എന്ന സ്ഥലത്ത് ദർശന ഹൗസിൽ സ്റ്റാൻ വർഗീസ് (30) നെ ആണ് കീഴ്വായ്പൂർ പോലീസ് സംഘം ഈരാറ്റുപേട്ടയിൽ നിന്നും അറസ്റ്റ് ചെയ്തത്. കല്ലൂപ്പാറ പുതുശ്ശേരി എന്ന സ്ഥലത്തെ വീട്ടിൽ നിന്നും 22,62,000 രൂപ വില വരുന്ന സ്വർണവും കൂടാതെ, ക്യാമറയും ഇലക്ട്രോണിക് സാധനങ്ങളും ഉൾപ്പെടെ 22,92,500 രൂപയുടെ സാധനങ്ങളാണ് ഇയാൾ കവർന്നത് . മോഷണത്തെ തുടർന്ന് മാർച്ച് 19 ആം തീയതി കേസ് രജിസ്റ്റർ ചെയ്ത കീഴ്വായ്പൂർ പോലീസ് സംഭവസ്ഥലത്തെയും സമീപപ്രദേശങ്ങളിലും നിരവധി സിസിടിവി ദൃശ്യങ്ങൾ പരിശോധിച്ചു. പ്രതിയെ കുറിച്ചുള്ള സൂചനകൾ ലഭിച്ച പോലീസ് ഇയാളെ അന്വേഷിച്ചു വരികയായിരുന്നു. തുടർന്നാണ് ഈരാറ്റുപേട്ട പോലീസിന്റെ കൂടി സഹായത്തോടെ ഈരാറ്റുപേട്ടയിൽ നിന്നും ഇയാളെ അറസ്റ്റ് ചെയ്തത്. കീഴ്വായ്പൂർ ഇൻസ്പെക്ടർ എസ് എച്ച് ഒ അജീബ് ഇ , Si എസ് ഐ മാരായ അനീഷ് റ്റി , ഷാൻ എൻഎസ്
സി പി ഒ മാരായ വിഷ്ണുദേവ് ,
പ്രദീപ്‌ , സന്തോഷ്‌ , ശരത്ബാൽ , ശ്യാം പ്രസാദ് , ഹരികൃഷ്ണൻ എന്നിവർ അടങ്ങിയ സംഘമാണ് പ്രതിയെ അറസ്റ്റ് ചെയ്തത്
ഇപ്പോൾ അറസ്റ്റിലായ സ്റ്റാൻ വർഗീസ് തിരുവല്ല പോലീസ് സ്റ്റേഷനിലെ മോഷണം കൊലപാതകശ്രമം ഉൾപ്പെടെ ഏഴോളം കേസുകളിലും , കൂടാതെ കോയിപ്പുറം അങ്കമാലി ചെങ്ങന്നൂർ ഈരാറ്റുപേട്ട മുതലായ സ്റ്റേഷനുകളിലെയും മോഷണം ഉൾപ്പെടെയുള്ള ക്രിമിനൽ കേസുകൾ ഉൾപ്പെടെ 15 ഓളം കേസുകളിലും പ്രതിയാണെന്ന് പോലീസ് പറഞ്ഞു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. പ്രതിയെ പോലീസ് കസ്റ്റഡിയിൽ വാങ്ങി സംഭവസ്ഥലത്ത് ഉൾപ്പെടെ എത്തിച്ച് തെളിവെടുപ്പ് നടത്തുമെന്നും കവർന്ന സ്വർണ്ണം ഉൾപ്പെടെ കണ്ടെത്തേണ്ടതായിട്ടുണ്ട് എന്നും കീഴിവായ്പൂർ എസ് എച്ച് ഒപറഞ്ഞു