ആറന്മുള: ചരിത്രപ്രസിദ്ധമായ ആറന്മുള വള്ള സദ്യയും ഉത്രട്ടാതി ജലമേളയിലും പങ്കെടുക്കുന്ന 52 പള്ളിയോടങ്ങളിലെ 5200 തുഴച്ചിൽ കാർക്കും പള്ളിയോട പ്രതിനിധികൾക്കുമുള്ള ഇൻഷ്വറൻസ് പോളിസി പള്ളിയോടസേവാ സംഘത്തിന് വേണ്ടി ആ രോഗ്യ മന്ത്രി കെ മുരളീധരൻ യുണൈറ്റഡ് ഇൻഡ്യ മാർക്കറ്റിങ് റീജണൽ മാനേജർ പ്രതീഷ് തോമസിൽ നിന്ന് ഏറ്റുവാങ്ങി.
പള്ളിയോടങ്ങൾ നീറ്റിലിറക്കുന്ന ജൂലൈ 19 മുതൽ തിരുവോണ സദ്യ , അഷ്ടമിരോഹിണി വള്ള സദ്യ , ഉതൃട്ടാതി ജലമേള തുടങ്ങിയ വിശേഷ ദിവസങ്ങൾ ഉൾപ്പെടെ സെപ്തംബർ 17 വരെ പള്ളിയോടങ്ങളിലെ തുഴച്ചിൽ കാർക്കുo പള്ളിയോട പ്രതിനിധികൾക്കും ഉണ്ടാകുന്ന അപകടങ്ങൾക്ക് ഇൻഷ്വറൻസ് കവറേജ് ഉണ്ടായിരിക്കും.
പള്ളിയോട സേവാ സംഘം പ്രസിഡൻ്റ് കെ.വി സാംബ ദേവൻ ,സെക്രട്ടറി പ്രസാദ് ആനന്ദഭവൻ,ആൻ്റോ ആൻ്റണി എംപി ,പഴകുളം മധു എം എൽ എ,ഫുഡ് കമ്മിറ്റി കൺവീനർ കൃഷ്ണകുമാർ,യുണൈറ്റഡ് ഇൻഡ്യ റീജനൽ മാനേജർ അഭിലാഷ്, ഷിബി തങ്കം, അസി. റീജണൽ മാനേജർ ജയകൃഷ്ണൻ യു, സീനിയർ മാനേജർ ഭരത് , അമൽ വിനൊയി ,ഡോ ബി സന്തോഷ് തുടങ്ങിയവർ സംസാരിച്ചു
ആറന്മുള പള്ളിയോടങ്ങളിലെ തുഴച്ചിൽ കാർക്ക് യുണൈറ്റഡ് ഇൻഡ്യാ ഇൻഷ്വറൻസ് കമ്പനിയുടെ ഇൻഷ്വറൻസ്
റാന്നിതാലൂക്ക്ആശുപത്രിയില്‍ഡ്രൈവര്‍,നേഴ്സിംഗ് ഹെല്‍പര്‍,സെക്യൂരിറ്റി നിയമനം/മസ്റ്ററിങ്/ചെന്നീര്‍ക്കര കേന്ദ്രീയ വിദ്യാലയത്തില്‍ സീറ്റ് ഒഴിവ്/യോഗ സര്‍ട്ടിഫിക്കറ്റ് പ്രോഗ്രാം: ജൂലൈ 31 വരെ അപേക്ഷിക്കാം/ ഫീല്‍ഡ് ഇന്‍വെസ്റ്റിഗേറ്റര്‍ ചെങ്ങന്നൂര്‍ ഐടിഐ പ്രവേശനം/സ്പോട്ട് അഡ്മിഷന്‍/വിദ്യാഭ്യാസ ആനുകൂല്യത്തിന് അപേക്ഷിക്കാം
റാന്നി താലൂക്ക് ആശുപത്രിയില്‍ ഡ്രൈവര്‍ നിയമനം
റാന്നി താലൂക്ക് ആശുപത്രിയില്‍ ദിവസവേതനടിസ്ഥാനത്തില്‍ ഡ്രൈവറെ താല്‍ക്കാലികമായി നിയമിക്കുന്നു. ഏഴാം ക്ലാസ്സ് പാസ്സായിരിക്കണം. ഡ്രൈവിംഗ് ലൈസന്‍സ് (മീഡിയം അല്ലെങ്കില്‍ ഹെവി ഗുഡ്‌സ്/ പാസ്സഞ്ചര്‍ മോട്ടോര്‍ വാഹനങ്ങള്‍), ഡ്രൈവേഴ്‌സ് ബാഡ്ജ് എന്നിവ വേണം. ഉയര്‍ന്ന പ്രായപരിധി 45. അപേക്ഷ സ്വീകരിക്കുന്ന അവസാന തീയതി ജൂലൈ 27 രാവിലെ 10.30. ബയോഡേറ്റ, തിരിച്ചറിയല്‍ രേഖ, പ്രവൃത്തി പരിചയ സര്‍ട്ടിഫിക്കറ്റ്, യോഗ്യത തെളിയിക്കുന്ന സാക്ഷ്യപ്പെടുത്തിയ പകര്‍പ് എന്നിവ അപേക്ഷയോടൊപ്പം സമര്‍പ്പിക്കണം. ജൂലൈ 27 രാവിലെ 11.30 ന് അസ്സല്‍ സര്‍ട്ടിഫിക്കറ്റുകളുമായി അഭിമുഖത്തിന് ഹാജരാകണം. ഫോണ്‍: 9188522990.
റാന്നി താലൂക്ക് ആശുപത്രിയില്‍ നേഴ്സിംഗ് ഹെല്‍പര്‍ നിയമനം
റാന്നി താലൂക്ക് ആശുപത്രിയില്‍ ദിവസവേതനടിസ്ഥാനത്തില്‍ നേഴ്സിംഗ് ഹെല്‍പറെ താല്‍ക്കാലികമായി നിയമിക്കുന്നു. യോഗ്യത എസ്എസ്എല്‍സി, എഎന്‍എം. ഉയര്‍ന്ന പ്രായപരിധി 45. അപേക്ഷ സ്വീകരിക്കുന്ന അവസാന തീയതി ജൂലൈ 29 രാവിലെ 10.30. ബയോഡേറ്റ, തിരിച്ചറിയല്‍ രേഖ, പ്രവൃത്തി പരിചയ സര്‍ട്ടിഫിക്കറ്റ്, യോഗ്യത തെളിയിക്കുന്ന സാക്ഷ്യപ്പെടുത്തിയ പകര്‍പ് എന്നിവ അപേക്ഷയോടൊപ്പം സമര്‍പ്പിക്കണം. പ്രവൃത്തി പരിചയമുള്ളവര്‍ക്ക് മുന്‍ഗണന. ജൂലൈ 20 രാവിലെ 11 ന് അസ്സല്‍ സര്‍ട്ടിഫിക്കറ്റുകളുമായി അഭിമുഖത്തിന് ഹാജരാകണം. ഫോണ്‍ :9188522990.
റാന്നി താലൂക്ക് ആശുപത്രിയില്‍ സെക്യൂരിറ്റി നിയമനം
റാന്നി താലൂക്ക് ആശുപത്രിയില്‍ ദിവസവേതനടിസ്ഥാനത്തില്‍ സെക്യൂരിറ്റിയെ താല്‍ക്കാലികമായി നിയമിക്കുന്നു.
വിമുക്ത ഭടനായിരിക്കണം. അംഗീകൃത വിമുക്ത ഭടന്മാരുടെ സൊസൈറ്റികള്‍/സംഘടനകളിലെ അംഗത്വ സര്‍ട്ടിഫിക്കറ്റ് വേണം. ഉയര്‍ന്ന പ്രായപരിധി 50. അപേക്ഷ സ്വീകരിക്കുന്ന അവസാന തീയതി ജൂലൈ 31 രാവിലെ 10.30. ബയോഡേറ്റ, തിരിച്ചറിയല്‍ രേഖ, പ്രവൃത്തി പരിചയ സര്‍ട്ടിഫിക്കറ്റ്, യോഗ്യത തെളിയിക്കുന്ന സാക്ഷ്യപ്പെടുത്തിയ പകര്‍പ് എന്നിവ അപേക്ഷയോടൊപ്പം സമര്‍പ്പിക്കണം. ജൂലൈ 31 രാവിലെ 11 ന് അസ്സല്‍ സര്‍ട്ടിഫിക്കറ്റുകളുമായി അഭിമുഖത്തിന് ഹാജരാകണം. ഫോണ്‍ :9188522990.
ചെന്നീര്‍ക്കര കേന്ദ്രീയ വിദ്യാലയത്തില്‍ സീറ്റ് ഒഴിവ്
ചെന്നീര്‍ക്കര കേന്ദ്രീയ വിദ്യാലയത്തില്‍ 2026-27 അധ്യയന വര്‍ഷത്തില്‍ വിവിധ ക്ലാസ്സുകളിലെ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. അപേക്ഷാഫോം സ്‌കൂള്‍ കാര്യാലയത്തില്‍ നിന്നും ലഭിക്കും. അപേക്ഷ സമര്‍പ്പിക്കേണ്ട അവസാന തീയതി ജൂലൈ 23 വൈകിട്ട് നാല്. അപേക്ഷയോടൊപ്പം ജനന സര്‍ട്ടിഫിക്കറ്റ്, ജാതി സര്‍ട്ടിഫിക്കറ്റ്, റെസിഡന്‍സ് പ്രൂഫ് / ആധാര്‍/പാസ്പോര്‍ട്ട് സൈസ് ഫോട്ടോ, സര്‍വീസ് സര്‍ട്ടിഫിക്കറ്റ് എന്നിവ സമര്‍പ്പിക്കണം. ഫോണ്‍ : 0468 2256000.
യോഗ സര്‍ട്ടിഫിക്കറ്റ് പ്രോഗ്രാം: ജൂലൈ 31 വരെ അപേക്ഷിക്കാം
സ്റ്റേറ്റ് റിസോഴ്‌സ് സെന്ററിന്റെ ആഭിമുഖ്യത്തിലുള്ള എസ്.ആര്‍.സി കമ്മ്യൂണിറ്റി കോളജ് ജൂലൈ സെഷനില്‍ നടത്തുന്ന യോഗ സര്‍ട്ടിഫിക്കറ്റ് പ്രോഗ്രാമിന് ഓണ്‍ലൈനായി അപേക്ഷിക്കാം. അപേക്ഷകര്‍ പത്താം ക്ലാസ്സ് പാസ്സായിരിക്കണം. പൊതു അവധി ദിവസങ്ങളില്‍ സംഘടിപ്പിക്കുന്ന സമ്പര്‍ക്ക (പ്രായോഗിക പരിശീലനം) ക്ലാസ്സുകള്‍, ഓരോ വിഷയത്തിലും തയ്യാറാക്കിയിട്ടുള്ള സ്വയം പഠന സഹായികള്‍, നേരിട്ടും ഓണ്‍ലൈനിലുമായി നടക്കുന്ന തിയറി ക്ലാസ്സുകള്‍ എന്നീ മാര്‍ഗങ്ങളിലൂടെയാണ് പഠനം. അപേക്ഷകര്‍ 17 വയസ്സ് പൂര്‍ത്തിയാക്കിയിരിക്കണം. ഉയര്‍ന്ന പ്രായപരിധിയില്ല. https://app.srccc.in/register ലൂടെ അപേക്ഷിക്കണം. അപേക്ഷ സമര്‍പ്പിക്കേണ്ട അവസാന തീയതി ജൂലൈ 31. വെബ്സൈറ്റ്: www.srccc.in. തിരുവല്ലയിലെ പൈതൃക് സ്‌കൂള്‍ ഓഫ് യോഗയാണ് ജില്ലയിലെ പഠന കേന്ദ്രം. ഫോണ്‍: 8606031784.
മസ്റ്ററിങ്
കോഴഞ്ചേരി ഗ്രാമപഞ്ചായത്ത് പരിധിയില്‍ സ്ഥിര താമസക്കാരായ സാമൂഹ്യ സുരക്ഷാ പെന്‍ഷന്‍
ഗുണഭോക്താക്കള്‍ സെപ്റ്റംബര്‍ 30 നുള്ളില്‍ അക്ഷയ കേന്ദ്രങ്ങള്‍ വഴി വാര്‍ഷിക മസ്റ്ററിങ് പൂര്‍ത്തിയാക്കണമെന്ന് സെക്രട്ടറി അറിയിച്ചു.
ഫീല്‍ഡ് ഇന്‍വെസ്റ്റിഗേറ്റര്‍
അയിരൂര്‍ ഗ്രാമപഞ്ചായത്തിലെ വസ്തു നികുതി പരിഷ്‌കരണവുമായി ബന്ധപ്പെട്ട് വിവരശേഖരണം നടത്തുന്നതിനു ഫീല്‍ഡ് ഇന്‍വെസ്റ്റിഗേറ്റര്‍മാരെ നിയമിക്കുന്നു. 18-35നും ഇടയില്‍ പ്രായമുള്ള സിവില്‍ എഞ്ചിനീയറിംഗില്‍ ഐടിഐ/ പോളിടെക്നിക്ക്/ ബി ടെക്ക് യോഗ്യതയുള്ളവര്‍ക്ക് അപേക്ഷിക്കാം. അവസാന തീയതി ജൂലൈ 27. ഫോണ്‍: 04735 230226.
ചെങ്ങന്നൂര്‍ ഐടിഐ പ്രവേശനം
ചെങ്ങന്നൂര്‍ സര്‍ക്കാര്‍ ഐടിയില്‍ സ്പെഷ്യല്‍ കാറ്റഗറി വിഭാഗത്തിലുള്ളവര്‍ക്ക് (ടിഎച്ച്എസ്എല്‍സി, ജുവനൈല്‍/ഓര്‍ഫന്‍/ആഗ്ലോ ഇന്‍ഡ്യന്‍/സ്‌കൗട്സ്/സ്പോര്‍ട്സ്) ജൂലൈ 20 രാവിലെ ഒമ്പതിനും മറ്റ് വിഭാഗക്കാര്‍ക്ക് ജൂലൈ 21 രാവിലെ ഒമ്പതിനും പ്രവേശനത്തിനായി അസല്‍ സര്‍ട്ടിഫിക്കറ്റുകളുമായി ഹാജരാകണം. വിവരങ്ങള്‍ക്ക് 0479 2953150.
ഓണം ഖാദി മേള ജൂലൈ 23 മുതല്‍
കലക്ടറേറ്റില്‍ ജൂലൈ 20 ന് പ്രദര്‍ശന വിപണന മേള
ജില്ല ഖാദി ഗ്രാമ വ്യവസായ ഓഫീസിന്റെ നേതൃത്വത്തില്‍ ജൂലൈ 23 മുതല്‍ ഓഗസ്റ്റ് 25 വരെ ഓണം ഖാദി മേള നടത്തും. കലക്ടറേറ്റില്‍ ജൂലൈ 20 ന് രാവിലെ 10 മുതല്‍ ഖാദി പ്രദര്‍ശന വിപണന മേള സംഘടിപ്പിക്കും.
ഖാദി കോട്ടണ്‍, സില്‍ക്ക് തുണിത്തരങ്ങള്‍ക്ക് 30 ശതമാനം സര്‍ക്കാര്‍ റിബേറ്റുണ്ട്. സര്‍ക്കാര്‍/അര്‍ധ സര്‍ക്കാര്‍ /ബാങ്ക്/പൊതുമേഖല സ്ഥാപനങ്ങളിലെ ജീവനക്കാര്‍ക്ക് ഒരു ലക്ഷം രൂപ വരെയുള്ള പര്‍ച്ചേസിന് പലിശരഹിത ക്രെഡിറ്റ് സൗകര്യം ലഭിക്കും. കോട്ടണ്‍, സില്‍ക്ക് സാരികള്‍, കോട്ടണ്‍, സില്‍ക്ക് റെഡിമെയ്ഡ് ഷര്‍ട്ടുകള്‍, ഷര്‍ട്ടിംഗ്, ബെഡ് ഷീറ്റ്, ചുരിദാര്‍ ടോപ്പ്, തോര്‍ത്ത്, മുണ്ട്, ടവല്‍, പഞ്ഞികിടക്ക, തലയിണ, നറുതേന്‍, എള്ളെണ്ണ, ഖാദി ബാര്‍ സോപ്പ് തുടങ്ങിയ വിവിധ തരം ഖാദി ഉല്‍പന്നങ്ങള്‍ ലഭിക്കും.
വിവരങ്ങള്‍ക്ക് ഇലന്തൂര്‍ ഖാദി ഗ്രാമ സൗഭാഗ്യ ഫോണ്‍: 8113870434, പത്തനംതിട്ട ഖാദി ഗ്രാമ സൗഭാഗ്യ 9744259922, റാന്നി ഖാദി ഗ്രാമ സൗഭാഗ്യ 9895994212, അടൂര്‍ ഖാദി ഗ്രാമ സൗഭാഗ്യ 6238547923.
സ്പോട്ട് അഡ്മിഷന്‍
കോന്നി കോളജ് ഓഫ് അപ്ലൈഡ് സയന്‍സില്‍ 2026-27 അധ്യയന വര്‍ഷത്തെ ബിരുദം, ബിരുദാനന്തര ബിരുദം കോഴ്‌സുകളിലേക്ക് സ്പോട്ട് അഡ്മിഷന്‍ ആരംഭിച്ചു. പ്രവേശനം ആഗ്രഹിക്കുന്നവര്‍ അസ്സല്‍ രേഖകളുമായി കോളജില്‍ എത്തണം. വിവരങ്ങള്‍ക്ക് 8547005074, 9645127298, 8078078512.
വിദ്യാഭ്യാസ ആനുകൂല്യത്തിന് അപേക്ഷിക്കാം
സംസ്ഥാന അസംഘടിത തൊഴിലാളി സാമൂഹിക സുരക്ഷ പദ്ധതിയില്‍ അംഗത്വം നേടി ഒരുവര്‍ഷം പൂര്‍ത്തിയാക്കി കുടിശ്ശികയില്ലാതെ അംശാദായം അടച്ചുവരുന്ന അംഗങ്ങളുടെ മക്കള്‍ക്ക് 2026-2027 അധ്യയന വര്‍ഷത്തെ വിദ്യാഭ്യാസ ആനുകൂല്യത്തിന് അപേക്ഷ ക്ഷണിച്ചു. എസ് എസ് എല്‍ സി വിജയിച്ച ശേഷം സര്‍ക്കാര്‍ അംഗീകാരമുള്ള സ്ഥാപനങ്ങളില്‍ റഗുലര്‍ കോഴ്സിന് ഉപരിപഠനം നടത്തുന്ന കുട്ടികളുടെ രക്ഷിതാക്കള്‍ കോഴ്സില്‍ പ്രവേശനം നേടി 60 ദിവസത്തിനകം വിദ്യാഭ്യാസ ആനുകൂല്യത്തിന് ഓണ്‍ലൈനായി http://services.unorganisedwssb.org/index.php/home ല്‍ അപേക്ഷ സമര്‍പ്പിക്കണം. അവസാന തീയതി സെപ്റ്റംബര്‍ 30. അപേക്ഷയോടൊപ്പം വിദ്യാര്‍ഥി പഠിച്ചുകൊണ്ടിരിക്കുന്ന സ്ഥാപന മേലധികാരിയുടെ സാക്ഷ്യപത്രം ഉണ്ടായിരിക്കണം. അപേക്ഷയോടൊപ്പം അംഗത്വകാര്‍ഡ്, ബാങ്ക് പാസ്ബുക്ക് എന്നിവയുടെ പകര്‍പ്പ്, വിദ്യാഭ്യാസ സ്ഥാപന മേലധികാരിയുടെ സാക്ഷ്യപത്രം എന്നിവ വേണം. ഫോണ്‍ 0468 2220248.
ആറന്മുള വള്ളംകളിയുടെയും വള്ള സദ്യയുടെയും സുഗമമായ നടത്തിപ്പിനായി ക്ഷേത്ര പരിസരത്തും പരിസരപ്രദേശത്തും ഗതാഗത ക്രമീകരണങ്ങൾ
ഈ വർഷത്തെ ആറന്മുള വള്ളംകളിയുടെയും വള്ള സദ്യയുടെയും സുഗമമായ നടത്തിപ്പിനായി 2026 ജൂലൈ മാസം 19-ാം തിയതി മുതൽ വള്ളസദ്യ അവസാനിക്കുന്നതു വരെ ആറന്മുള ക്ഷേത്ര പരിസരത്തും പരിസരപ്രദേശത്തും ജില്ലാ പോലീസ് മേധാവിയുടെ നിർദേശാനുസരണം താഴെ പറയുന്ന ഗതാഗത ക്രമീകരണങ്ങൾ ഏർപ്പെടുത്തുന്നതായി ആറന്മുള എസ് എച്ച് ഒ അറിയിക്കുന്നു.
1. ക്ഷേത്രത്തിന്റെ വടക്കുവശം റോഡ് തെക്കുവശം റോഡ് പടിഞ്ഞാറുവശം റോഡ് പടിഞ്ഞാറുവശം പടിക്കെട്ടിനുസമീപമുള്ള സ്ഥലം എന്നിവിടങ്ങളിൽ വാഹനം പാർക്ക് ചെയ്യുവാൻ പാടുള്ളതല്ല. ഈ വശങ്ങളിൽ താമസ്സിക്കുന്നവരുടെ വാഹനങ്ങൾ അവരവരുടെ വീടുകളിൽ തന്നെ പാർക്ക് ചെയ്യാൻ ശ്രദ്ധിക്കേണ്ടതും പോലീസ് സ്റ്റേഷനിൽ നിന്നും എൻട്രി പാസ്സ് കൈപ്പറ്റേണ്ടതുമാണ്.
2. ക്ഷേത്ര ദർശനത്തിനായും മറ്റും, വാഹനങ്ങളിൽ എത്തുന്ന ഭക്തജനങ്ങൾ തറയിൽമുക്ക് വഴി പ്രവേശിച്ച് ഗണപതി ക്ഷേത്രത്തിന് സമീപമുള്ള ബ്ലോക്കിങ് പോയിൻ്റിൽ ആളെ ഇറക്കിയ ശേഷം പോലീസ് സ്റ്റേഷന്റെ സമീപമുള്ള റോഡേ പുറത്തു പോയി നിർദ്ദിഷ്ട്ട സ്ഥലങ്ങളിൽ പോയി പാർക്ക് ചെയ്യേണ്ടതാണ്.
3. ഇരുചക്ര വാഹനങ്ങളിൽ ക്ഷേത്രത്തിൽ എത്തുന്നവർ തറയിൽമുക്ക് വഴി പ്രവേശിച്ച ശേഷം ബ്ലോക്കിങ് പോയിൻ്റിൽ എത്തി സമീപത്തുള്ള പാർക്കിംഗ് ഏരിയയിൽ പാർക്ക് ചെയ്യേണ്ടതും ക്ഷേത്ര ദർശനത്തിനുശേഷം പോലീസ് സ്റ്റേഷന് സമീപമുള്ള റോഡേ പുറത്തേക്ക് പോകേണ്ടതുമാണ്.
4. ബ്ലോക്കിങ് പോയിൻ്റ് കഴിഞ്ഞ് ഉദ്യോഗസ്ഥരുടെ അനുമതിയോടെ ക്ഷേത്രത്തിന്റെ മുൻ വശത്ത് പ്രവേശിക്കുന്ന വാഹനങ്ങൾ ക്ഷേത്രത്തിൽ ആളെ ഇറക്കിയ ശേഷം തെക്ക് വശത്തുള്ള റോഡേ കണിക്കവഞ്ചി വഴി പുറത്ത് പോയി നിർദ്ദിഷ്ട സ്ഥലത്ത് പാർക്ക് ചെയ്യേണ്ടതാണ്.
5. വള്ളസദ്യ നേർന്നിട്ടുള്ള ഓരോ നേർച്ചക്കാർക്കും ഒരു വാഹനം ക്ഷേത്ര നടയിലേക്ക് പ്രവേശിപ്പിക്കാൻ അനുവാദം നൽകിയിട്ടുള്ളതും , പ്രസ്തുത വാഹനം ക്ഷേത്രത്തിൻ്റെ മുൻ നടയിൽ ആളെ ഇറക്കിയ ശേഷം ക്ഷേത്രത്തിന്റെ പടിഞ്ഞാറ് ഭാഗത്ത് സത്രക്കടവിന് സമീപത്തായുള്ള പോലീസ് ക്വാർട്ടേഴ്‌സ് ഗ്രാണ്ടിൽ പാർക്ക് ചെയ്യേണ്ടതുമാണ്.
6. തറയിൽമുക്ക് മുതൽ ബ്ലോക്കിങ് പോയിൻ്റ് വരെയും റോഡിന്റെ ഇരുവശത്തും പോലീസ് സ്റ്റേഷൻ്റെ സൈഡിലെ റോഡിലും വാഹനങ്ങൾ പാർക്ക് ചെയ്യാൻ പാടുള്ളതല്ല.
7. കെ എസ് ആർ.റ്റി.സി വാഹനങ്ങൾ വഞ്ചിപടിയിൽ ആളെയിറക്കിയ ശേഷം പൊന്നുംതോട്ടം ഗ്രൗണ്ടിൽ പാർക്ക് ചെയ്യേണ്ടതാണ്,ഈ ഗ്രൗണ്ടിൽ മറ്റ് വാഹങ്ങൾ പാർക്ക് ചെയ്യുവാൻ പാടുള്ളതല്ല
കോൺഗ്രസ്‌ മല്ലപ്പള്ളി ബ്ലോക്ക് കമ്മിറ്റി ഉമ്മൻ ചാണ്ടിയുടെ മൂന്നാം ചരമ വാർഷിക ദിനാചരണം നടത്തി
കോൺഗ്രസ്‌ മല്ലപ്പള്ളി ബ്ലോക്ക് കമ്മിറ്റിയുടെ നേതൃത്വത്തിൽ നടത്തിയ മുൻ മുഖ്യമന്ത്രി ഉമ്മൻ ചാണ്ടിയുടെ മൂന്നാം ചരമ വാർഷിക ദിനാചരണം കെപിസിസി മുൻ നിർവ്വഹക സമതി അംഗം അഡ്വ. റെജി തോമസ് കോൺഗ്രസ്‌ ബ്ലോക്ക് പ്രസിഡന്റ് എബി മേക്കരിങ്ങാട്ട് അദ്ധ്യക്ഷത വഹിച്ചു. കെ ജി സാബു, അഡ്വ. വിനീത് കുമാർ, കീഴ് വായ്പ്പൂര് ശിവരാജൻ, അഡ്വ. സാം പട്ടേരി, സുനിൽ നിരവുവുപുലം, എം കെ സുബാഷ് കുമാർ, മീരാൻ സാഹിബ്‌, കൃഷ്ണൻകുട്ടി മുള്ളൻകുഴി, അശോക് കുമാർ കവിയൂർ, സജി തോട്ടത്തിമലയിൽ, കെ കെ പ്രസാദ്, അനീഷ് കെ മാത്യു, റെജി ജോൺ, വിൻസൺ വൽത്സൻ തുടങ്ങിയവർ പ്രസംഗിച്ചു.
പോലീസിനെ സഹായിച്ചിരുന്ന ചീക്സയിൽ കഴിയുന്ന സോമന് ജില്ലാ പോലീസ് മേധാവിയുടെ കൈത്താങ്ങ്
മൃതദേഹങ്ങൾ എടുക്കുന്നതിന് പോലീസിനെ സഹായിച്ചിരുന്ന ചീക്സയിൽ സോമന് ജില്ലാ പോലീസ് മേധാവിയുടെ കൈത്താങ്ങ്
കേസുകളിൽ ഉൾപ്പെട്ട മൃതദേഹങ്ങൾ എടുക്കുന്നതിന് പോലീസിന് സഹായം നൽകി വന്നിരുന്ന തിരുവല്ല സ്വദേശി . സോമൻ ചീക്സയിൽ തിരുവല്ല റ്റി എം എ ഹോസ്പിറ്റലിൽ ചികിത്സയിലാണ് . ചികിത്സക്കായി ഭീമമായ തുക ആവശ്യമായി വന്നതിനാൽ എല്ലാവരുടെയും സഹായം അദ്ദേഹം സമൂഹമാധ്യമങ്ങളുടെയും മറ്റും അഭ്യർത്ഥിച്ചിരുന്നു.വിവരം അറിഞ്ഞ പത്തനംതിട്ട ജില്ലാ പോലീസ് മേധാവി ആർ.ആനന്ദ് വ്യക്തിപരമായി അദ്ദേഹത്തിൻ്റെ സഹായമായി നൽകിയ 10000 രൂപയുടെ ധന സഹായം തിരുവല്ല സ്പെഷ്യൽ ബ്രാഞ്ച് ഉദ്യോഗസ്ഥരായ സുധീഷ് , സജിത്ത് രാജ് എന്നിവർ ചേർന്ന് ആശുപത്രിയിലെത്തി സോമന് കൈമാറി.സോമനെ മാതൃകാപരമായി സഹായിച്ച,ജില്ലാ പോലീസ് മേധാവിക്ക് അദ്ദേഹവും കുടുംബാംഗങ്ങളും നന്ദി അറിയിച്ചു.വിവിധ ജില്ലകളിലായി കേസുകളിൽ ഉൾപ്പെട്ട 5000ത്തിലധികം മൃതദേഹങ്ങൾ എടുക്കുന്നതിന് സോമൻ പോലീസിനെ സഹായിച്ചിട്ടുണ്ട്.
പത്തനംതിട്ട ജില്ലയിലെ പോലീസ് ഉദ്യോഗസ്ഥർ സമാഹരിച്ച ഒന്നേകാൽ ലക്ഷം രൂപയോളം സോമന് ചികിത്സ സഹായമായി നൽകിയിരുന്നു
എ.ഐ.എൽ.യു.പത്തനംതിട്ട യൂണിറ്റ് സമ്മേളനംസംസ്ഥാനസെക്രട്ടറിയേറ്റംഗംഅഡ്വ.എസ്.മനോജ്ഉദ്ഘാടനംചെയ്തു
ഓൾ ഇൻഡ്യാ ലോയേഴ്സ് യൂണിയൻ ദേശീയ സമ്മേളനത്തിന്
മുന്നോടിയായുള്ള പത്തനംതിട്ട യൂണിറ്റ്സമ്മേളനം ഓൾ ഇൻഡ്യാ ലോയേഴ്സ് യൂണിയൻ സംസ്ഥാന സെക്രട്ടറിയേറ്റംഗംഅഡ്വ.എസ്.മനോജ് ഉദ്ഘാടനം ചെയ്തു.ജില്ലാ സെക്രട്ടറിഅഡ്വ.സി.പ്രകാശ്,സംഘടനാറിപ്പോർട്ടുംയൂണിറ്റ്സെക്രട്ടറി,അഡ്വ. ദീപു പീതാംബരൻ പ്രവർത്തനറിപ്പോർട്ടും അവതരിപ്പിച്ചു. യൂണിറ്റ് പ്രസിഡൻ്റ് അഡ്വ.ഡെന്നി ജോർജ്അദ്ധ്യക്ഷത വഹിച്ചു.അഡ്വ.ആഷാ ചെറിയാൻ,
അഡ്വ.നിഷാദ് തങ്കപ്പൻ,അഡ്വ.ബി കെ.ബിജു,അഡ്വ.ടി.സക്കീർ ഹുസൈൻ,
അഡ്വ.ബിജോയ് വർഗീസ്കോശി,അഡ്വ.ആർ.കിരൺ രാജ്,അഡ്വ.എസ്.കാർത്തിക,
അഡ്വ.ആർ.രേഖ,അഡ്വ.ഹരിശങ്കർ പ്രസാദ്,അഡ്വ. യദു കൃഷ്ണൻ,
അഡ്വ.പി.സി.ഹരി,അഡ്വ.യു.ആദർശ്,
അഡ്വ.സുരേഷ്സോമ,അഡ്വ.എം.എസ്.മധു,എന്നിവർ സംസാരിച്ചു.
ഭാരവാഹികളായിഅഡ്വ.ഡെന്നി ജോർജ് (പ്രസിഡൻ്റ്)അഡ്വ. ദീപു പീതാംബരൻ (സെക്രട്ടറി)അഡ്വ.സന്ധ്യ റ്റി വാസു ( ട്രഷറാർ)എന്നിവരെ തിരഞ്ഞെടുത്തു
വനിത ജില്ലാ പഞ്ചായത്ത് അംഗത്തിനെതിരെ സാമൂഹ്യ മാധ്യമങ്ങൾ വഴി അപകീർത്തി പ്രചരണം നടത്തിയ ആൾ റിമാൻഡിലായി
വനിത ജില്ലാ പഞ്ചായത്ത് അംഗത്തിനെതിരെ സാമൂഹ്യ മാധ്യമങ്ങൾ വഴി അപകീർത്തി പ്രചരണം നടത്തിയ ആൾ റിമാൻഡിലായി
അടൂരിൽ മുൻപ് ഇതേ കുറ്റത്തിന് ഇയാളെ അടൂർ പോലീസ് എറണാകുളം കാക്കനാട് നിന്നും അറസ്റ്റ് ചെയ്യുകയും റിമാൻഡ് അപേക്ഷ സഹിതം ബഹുമാനപ്പെട്ട കോടതി മുമ്പാകെ ഹാജരാക്കുകയും ചെയ്തിരുന്നു ഇയാൾക്ക് ജാമ്യം അനുവദിച്ചതിനാൽ ഇയാളെ വിട്ടയച്ചിരുന്നു. എന്നാൽ തുടർന്നും ഇയാൾ സാമൂഹ്യ മാധ്യമങ്ങൾ വഴി അധിക്ഷേപങ്ങളും നടത്തിയതിനാൽ ഐ റ്റി ആക്ട് അനുസരിച്ചുള്ള ജാമ്യമില്ല വകുപ്പുകൾ പ്രകാരം കേസ് രജിസ്റ്റർ ചെയ്യുകയും ഇയാളെ അടൂർ പോലീസ് സ്റ്റേഷൻ സബ് ഇൻസ്പെക്ടർ ദീപു ജി എസ് , പോലീസ് ഉദ്യോഗസ്ഥരായ റാഷിക്ക് , ബൈജു എന്നിവരുടെ നേതൃത്വത്തിൽ എറണാകുളം മരോട്ടിചുവട് എന്ന സ്ഥലത്തുനിന്നുംഅറസ്റ്റ് ചെയ്തു കോടതി മുമ്പാകെ ഹാജരാക്കുകയും ചെയ്തു. സമാന രീതിയിലുള്ള കുറ്റകൃത്യം ആവർത്തിച്ചതിനാൽ കോടതി ഇയാൾക്ക് ജാമ്യം നിഷേധിക്കുകയും റിമാൻഡ് ചെയ്യുകയും ആയിരുന്നു.
മാനസിക വൈകല്യമുള്ള പെൺകുട്ടിയെ പീഡിപ്പിച്ച കേസിലെ പ്രതി പത്തു വർഷത്തിനുശേഷം പിടിയിലായി
പുളിക്കീഴിൽ മാനസിക വൈകല്യമുള്ള പെൺകുട്ടിയെ, വീട്ടിൽ കടന്നു കടന്നുകയറി പീഡനത്തിന് ഇരയാക്കിയ ശേഷം ഒളിവിൽ പോയ പ്രതിയെ പുളിക്കീഴ് പോലീസ് പത്തു വർഷത്തിനുശേഷം പിടികൂടി. പുളിക്കീഴ് ചാത്തങ്കേരി എന്ന സ്ഥലത്ത് വിളക്കുപാടത്തിൽച്ചിറ വീട്ടിൽ ഓമന എന്ന് വിളിക്കുന്ന ജെയിംസ് ചാക്കോ (48) യെ ആണ് പുളിക്കീഴ് പോലീസ് പിടികൂടിയത്. 2016 ഒക്ടോബർ മാസം 21നും 22 നും ആണ് ഇയാൾ മാനസിവൈകല്യമുള്ള പെൺകുട്ടിയെ പീഡിപ്പിച്ചത്. പെൺകുട്ടിയുടെ വീട്ടിൽ മറ്റാരും ഇല്ലാതിരുന്ന സമയം കതക് തള്ളിത്തുറന്ന് വീട്ടിൽ കയറിയ പ്രതി ശാരീരിക അവശതകൾ ഉള്ള പെൺകുട്ടിയെ പീഡിപ്പിച്ചശേഷം ഒളിവിൽ കഴിഞ്ഞു വരികയായിരുന്നു.
പുളിക്കീഴ് പോലീസ് ഇൻസ്പെക്ടർ എസ് എച്ച് ഒ ഷെഫീക്ക് , എസ് ഐ നൗഫൽ , സി പി ഒ മാരായ അനൂപ് , സുദീപ് എന്നിവർ അടങ്ങിയ അന്വേഷണസംഘമാണ് വെണ്ണിക്കുളത്തെ ഇയാളുടെ ഒളിത്താ വളത്തിൽ നിന്നും പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.