പതിനാല് വയസ്സുകാരിയായ പെൺകുട്ടിയെ നിരന്തരമായി ശല്യം ചെയ്യുകയും കടന്നു പിടിക്കുകയും ലൈംഗികമായി ഉപദ്രവിക്കാൻ ശ്രമിക്കുകയും ചെയ്തയാളെ കീഴ് വായ്പൂർ പോലീസ് അറസ്റ്റ് ചെയ്തു. കീഴുവായ്പൂർ പോലീസ് സ്റ്റേഷൻ പരിധിയിൽ മല്ലപ്പള്ളി മഠത്തും കുന്നേൽ വീട്ടിൽ ജേക്കബ് തോമസ് (52) ആണ് പിടിയിലായത്. പെൺകുട്ടിയെ ഇയാൾ 2019 മുതൽ ലൈംഗികമായി ഉപദ്രവിക്കാൻ ശ്രമിക്കുന്നുണ്ടായിരുന്നു. കഴിഞ്ഞവർഷം വരെയും പലതവണയായി ഉപദ്രവിക്കാൻ ശ്രമിച്ചിട്ടുണ്ടെന്ന് പെൺകുട്ടി പരാതിയിൽ പറഞ്ഞു. പലതവണ കടന്നു പിടിക്കുകയും മറ്റും ചെയ്തിട്ടുണ്ട്. ഇപ്പോഴാണ് കുട്ടി പീഡന ശ്രമത്തെപ്പറ്റിയുള്ള വിവരം പുറത്തു പറയുന്നത്. കേസ് രജിസ്റ്റർ ചെയ്ത കീഴ് വായ്പൂർ പോലീസ് വളരെ വേഗം പ്രതിയെ അറസ്റ്റ് ചെയ്തു.എസ് ഐ നൗഫൽ ,സി പി ഒ മാരായ സുനിൽകുമാർ, അരുൺരാജ് , അർജുൻ , വിഷ്ണു ഐ വിഎന്നിവർ അടങ്ങിയ സംഘമാണ് പ്രതിയെ അറസ്റ്റ് ചെയ്തത്. പത്തനംതിട്ട അഡീഷണൽ ജില്ലാ ആൻഡ് സെഷൻസ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

യൂത്ത് കോൺഗ്രസ് റാന്നി–പഴവങ്ങാടി മണ്ഡലതല സ്വാഗതസംഘം രൂപീകരിച്ചുറാന്നി: നവംബർ 4-ന് യൂത്ത് കോൺഗ്രസ് സംസ്ഥാന പ്രസിഡന്റ് . ഓ. ജെ. ജനീഷ് നയിക്കുന്ന ജെൻ ഇന്ത്യ മൂവ്മെന്റ് പദയാത്ര ജില്ലയിൽ എത്തുന്നതിന്റെ മുന്നോടിയായി ഇന്ത്യൻ യൂത്ത് കോൺഗ്രസ് റാന്നി–പഴവങ്ങാടി മണ്ഡലം കമ്മിറ്റിയുടെ നേതൃത്വത്തിൽ മണ്ഡലതല സ്വാഗതസംഘം രൂപീകരിച്ചു.യൂത്ത് കോൺഗ്രസ് റാന്നി–പഴവങ്ങാടി മണ്ഡലം പ്രസിഡന്റ് . പ്രഭുരാജ് ഈട്ടിക്കാലായിൽ അധ്യക്ഷത വഹിച്ച യോഗം യൂത്ത് കോൺഗ്രസ് റാന്നി നിയോജകമണ്ഡലം പ്രസിഡന്റ്  റിജോ റോയ് തോപ്പിൽ ഉദ്ഘാടനം ചെയ്തു.യോഗത്തിൽ .ബ്ലെസ്സൻ സ്റ്റാൽവിൻ, സജി,.രാജേഷ്, .ജുബിൻ വിൽസൺ, .അജി എന്നിവർ പ്രസംഗിച്ചു.

മൂഴിയാറിലെ വനമേഖലയോട് അടുത്ത് താമസിക്കുന്ന 80 വയസ്സായ വയോധികയ്ക്ക് ആശുപത്രിയിൽ എത്തിയശേഷം വീട്ടിലേക്ക് പോകാൻ വാഹനം ലഭിക്കാതെ വന്നപ്പോൾ സഹായമായത് മൂഴിയാർ പോലീസ് ഉദ്യോഗസ്ഥർ. ആങ്ങാമൂഴിയിൽ വനമേഖലയോട് അടുത്ത് താമസിക്കുന്ന മുട്ടത്തിൽ വീട്ടിൽ ജാനകി (80) ആശുപത്രിയിലെത്തി മരുന്നു വാങ്ങിയശേഷം വീട്ടിലേക്ക് പോകാനായി വാഹനം ഒന്നും കിട്ടാതെ നിൽക്കുന്നത് കണ്ട് മൂഴിയാർ പോലീസ് സ്റ്റേഷൻ എസ് എച്ച് ഓ ആർ. രവീന്ദ്രന്റെ നേതൃത്വത്തിലുള്ള പോലീസ് ഉദ്യോഗസ്ഥർ ഇവരെ പോലീസ് വാഹനത്തിൽ സുരക്ഷിതമായി വീട്ടിൽ എത്തിച്ചു. എസ്എച്ച് ഒ യോടൊപ്പം എസ് സി പി ഒ നേബു സി പി ഒ മാരായ അനീഷ്, അനന്തു എന്നിവരാണ് വയോധികയ്ക്ക് സഹായവുമായി എത്തിയത്.

 റാന്നിയിൽ  ബൈക്കിന് പിന്നിൽ സഞ്ചരിച്ച വിദ്യാർത്ഥി വാഹനാപകടത്തിൽ മരിച്ചു. അടിച്ചിപ്പുഴ പള്ളിക്കൂടത്തിങ്കൽ ബിനുവിന്റെ മകൻ അലക്സാണ്ടർ 12 ആണ് മരിച്ചത്. റാന്നി എസ് സി യു പി സ്കൂളിൽ ഏഴാം ക്ലാസ് വിദ്യാർത്ഥിയാണ് മരിച്ച അലക്സാണ്ടർ തിങ്കളാഴ്ച പകൽ മൂന്നോടെ പുനലൂർ മൂവാറ്റുപുഴ സംസ്ഥാനപാതയിൽ മന്ദമരുതിക്കും മക്കപ്പുഴ ക്കും ഇടയിൽ വച്ചായിരുന്നു അപകടം. ഇവർ മന്ദമരുതിയിൽ നിന്ന് മക്കപ്പുഴയിലേക്ക് പോകുമ്പോൾ റോഡിന് ഇടത് പാർക്ക് ചെയ്തിരുന്ന ഓട്ടോറിക്ഷക്കാരനുമായി സ്കൂട്ടർ നിർത്തി സംസാരിച്ചു. പിന്നീട് പെട്ടെന്ന് റോഡിലേക്ക് സ്കൂട്ടർ തിരിച്ച് ഇറങ്ങിയപ്പോൾ പുറകെ വന്ന കാറുകളിൽ ആദ്യത്തേത് ഇവരെ ഇടിച്ച് വീഴ്ത്തി. സ്കൂട്ടറിൽ നിന്നും തെറിച്ച റോഡിലേക്ക് വീണ അലക്സാണ്ടറിന്റെ ശരീരത്തിലൂടെയാണ് തൊട്ടു പുറകെ വന്ന കാർ കയറിയിറങ്ങിയത് . റാന്നി താലൂക്ക് ആശുപത്രിയിൽ എത്തിച്ചെങ്കിലും മരിച്ചു. സുഹൃത്തിന് പരിക്കില്ല.
ലൗലിയാണ് മാതാവ് സഹോദരി ഏഞ്ചൽ

പത്തനംതിട്ടയിലെ ബാറിൽ വച്ച് മദ്യപിക്കുന്നതിനിടെ ഉണ്ടായ തർക്കത്തിനൊടുവിൽ രണ്ട് യുവാക്കളെ മുഖത്തും കൈയിലും കുത്തി പരിക്കേൽപ്പിക്കുകയും കൊല്ലാൻ ശ്രമിക്കുകയും ചെയ്ത കേസിലെ പ്രതിയെ പത്തനംതിട്ട പോലീസ് അറസ്റ്റ് ചെയ്തു.
കൂടൽ സ്റ്റേഡിയം ജംഗ്ഷൻ എന്ന സ്ഥലത്ത് ബിന്ദു ഭവൻ വീട്ടിൽ അഖിൽ തങ്കപ്പൻ (34) ആണ് പിടിയിലായത്. ഒക്ടോബർ 12 തിങ്കളാഴ്ച വൈകുന്നേരം 6 30 ഓടെയാണ് പത്തനംതിട്ടയിലെബാറിൽ കത്തിക്കുത്ത് ഉണ്ടായത്. മദ്യപിക്കുന്നതിനിടെ ഉണ്ടായ തർക്കത്തെ തുടർന്ന് പുറമറ്റം സ്വദേശിയായ പ്രജിത്ത് സുഹൃത്തായ സാജൻ എന്നിവരെ പ്രതി അരയിൽ കരുതിയിരുന്ന കത്തികൊണ്ട് മുഖത്തും കയ്യിലും മാരകമായി കുത്തി പരിക്കേൽപ്പിച്ചു. പ്രജിത്തിന്റെ മൊഴി രേഖപ്പെടുത്തിയ പത്തനംതിട്ട പോലീസ് കേസ് രജിസ്റ്റർ ചെയ്ത് വളരെ വേഗം അന്വേഷണം ആരംഭിച്ചു. കറുത്ത ഷർട്ടും കറുത്ത കൈലിയും ധരിച്ച് ഒരാൾ ആണ് ആക്രമിച്ചത് എന്ന് മാത്രമാണ് പരാതിക്കാരൻ പോലീസിന് നൽകിയ വിവരം. തുടർച്ചയായ അന്വേഷണത്തിനുള്ളിൽ പത്തനംതിട്ട പോലീസ് പ്രതിയെ കണ്ടെത്തി അറസ്റ്റ് ചെയ്തു. അറസ്റ്റിലായ പ്രതി കൂടൽ പോലീസ് സ്റ്റേഷനിലും മറ്റു പോലീസ് സ്റ്റേഷനുകളിലുമായി മോഷണം, മയക്കുമരുന്ന് , അബ്കാരി കേസുകൾ ഉൾപ്പെടെ ഏഴോളം ക്രിമിനൽ കേസുകളിൽ പ്രതിയാണെന്ന് പത്തനംതിട്ട സർക്കിൾ ഇൻസ്പെക്ടർ പറഞ്ഞു.
പത്തനംതിട്ട സർക്കിൾ ഇൻസ്പെക്ടർ അരുൺ ജി, എസ് ഐ അനീഷ് എബ്രഹാം , എസ് ഐ ഹരി കൃഷ്ണൻ , എസ് സി പി ഒ റാം മോഹൻ , സി പി ഒമാരായ അനീഷ്, മിഥുൻ, അരുൺ, സുധീഷ് എന്നിവരാണ് പ്രതിയെ പിടികൂടിയ അന്വേഷണ സംഘത്തിൽ ഉണ്ടായിരുന്നത്. പത്തനംതിട്ട ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

ജില്ല വികസന സമിതി യോഗം ഒക്ടോബര്‍ 31 ന്

ജില്ല വികസന സമിതി യോഗം ഒക്ടോബര്‍ 31 ന് രാവിലെ 10.30ന് ജില്ല ആസൂത്രണ സമിതി സെക്രട്ടേറിയേറ്റ് കോണ്‍ഫറന്‍സ് ഹാളില്‍ ചേരും.

ട്യൂഷന്‍ ടീച്ചര്‍ നിയമനം

പന്തളം ബ്ലോക്ക് പട്ടികജാതി വികസന ഓഫീസ് പരിധിയില്‍ പ്രവര്‍ത്തിക്കുന്ന പെണ്‍കുട്ടികളുടെ പ്രീ മെട്രിക് ഹോസ്റ്റലില്‍ 2026-27 അധ്യയന വര്‍ഷം ഹൈസ്‌കൂള്‍ ക്ലാസുകളില്‍ ഗണിതശാസ്ത്ര വിഷയങ്ങളില്‍ ട്യൂഷന്‍ നല്‍കുന്നതിന് ബിരുദം, ബി.എഡ്, ബിരുദാനന്തര ബിരുദം യോഗ്യതയുള്ളവര്‍ക്ക് അപേക്ഷിക്കാം. പട്ടികജാതി വിഭാഗക്കാര്‍ക്ക് മുന്‍ഗണന. വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പ് സഹിതം ഒക്ടോബര്‍ 28 നകം പന്തളം ബ്ലോക്ക് പട്ടികജാതി വികസന ഓഫീസില്‍ അപേക്ഷ സമര്‍പ്പിക്കണം. നിയമനം താല്‍ക്കാലികമാണ്. ഫോണ്‍: 8547630045.

ഹോംഗാര്‍ഡ് സര്‍ട്ടിഫിക്കറ്റ് പരിശോധന ഒക്ടോബര്‍ 28 ന്

ജില്ലയില്‍ ഹോംഗാര്‍ഡ് സേവനത്തിനുള്ള തെരഞ്ഞെടുപ്പിനായി പത്തനംതിട്ട ജില്ലാ ഫയര്‍ ഓഫീസില്‍ അപേക്ഷ സമര്‍പ്പിച്ചിട്ടുള്ള ഉദ്യോഗാര്‍ത്ഥികള്‍ക്കുള്ള കായികക്ഷമത പരീക്ഷ (100 മീറ്റര്‍ ഓട്ടം 18 സെക്കന്‍ഡിനുള്ളില്‍, മൂന്ന് കിലോമീറ്റര്‍ നടത്തം 30 മിനിട്ടിനുള്ളില്‍), സര്‍ട്ടിഫിക്കറ്റ് സൂക്ഷ്മ പരിശോധന എന്നിവ ഒക്ടോബര്‍ 28 രാവിലെ ആറിന് ജില്ലയിലെ പ്രമാടം രാജീവ് ഗാന്ധി ഇന്‍ഡോര്‍ സ്റ്റേഡിയത്തില്‍ നടത്തും. എസ്.എസ്.എല്‍.സി, ഡിസ്ചാര്‍ജ് സര്‍ട്ടിഫിക്കറ്റ്, ഫോട്ടോ അറ്റസ്റ്റഡ് മെഡിക്കല്‍ ഫിറ്റ്‌നസ് സര്‍ട്ടിഫിക്കറ്റ് (അസിസ്റ്റന്റ് സര്‍ജനില്‍ കുറയാത്ത റാങ്കുള്ള മെഡിക്കല്‍ ഓഫീസറില്‍ നിന്ന് വാങ്ങിയത്), ആധാര്‍, ഡ്രൈവിങ് ലൈസന്‍സ് എന്നിവയുടെ അസല്‍ സഹിതം ഹാജരാകണം. അന്നേ ദിവസം ഹാജരാകാത്തവര്‍ക്ക് മറ്റൊരവസരം അനുവദിക്കില്ല. ഫോണ്‍: 9497920097.

പടയണി കലണ്ടര്‍ തയ്യാറാക്കുന്നു

പത്തനംതിട്ട ജില്ലയിലെ വിവിധ ക്ഷേത്രങ്ങളില്‍ നടന്നു വരുന്ന പടയണി ഉത്സവങ്ങളുമായി ബന്ധപ്പെട്ട വിവരങ്ങള്‍ ഭക്തജനങ്ങള്‍ക്കും പ്രാദേശിക ആളുകള്‍ക്കും സഞ്ചാരികള്‍ക്കും ലഭ്യമാക്കുന്നതിന് ജില്ലാ ടൂറിസം പ്രമോഷന്‍ കൗണ്‍സില്‍ വിവരശേഖരണം നടത്തുന്നു. പടയണി നടക്കുന്ന ക്ഷേത്രങ്ങള്‍, സ്ഥലങ്ങള്‍, തീയതി, സമയം, ബന്ധപ്പെടേണ്ട ഫോണ്‍ നമ്പര്‍ എന്നിവ ഉള്‍പ്പെടുത്തിക്കൊണ്ടുള്ള സമഗ്ര കലണ്ടര്‍ തയ്യാറാക്കുകയാണ് ഇതിന്റെ ലക്ഷ്യം. ജില്ലയിലെ പടയണി ഉത്സവങ്ങള്‍ നടത്തുന്ന ക്ഷേത്ര കമ്മിറ്റികള്‍ തങ്ങളുടെ ക്ഷേത്രത്തില്‍ പടയണി ആരംഭിക്കുന്ന തീയതി, പ്രധാന പടയണി ദിനങ്ങള്‍, സമയം, പടയണി നടക്കുന്ന കൃത്യമായ സ്ഥലം തുടങ്ങിയ വിവരങ്ങള്‍ ഒക്ടോബര്‍ 31 വൈകിട്ട് അഞ്ചിനു മുമ്പ് ഡി.റ്റി.പി.സി ഓഫീസില്‍ അറിയിക്കണം. ഇമെയില്‍: ptadtpc@yahoo.co.in .     ഫോണ്‍: 9447709944, 0468 2311343.

താല്‍ക്കാലിക നിയമനം

പത്തനംതിട്ട അയിരൂര്‍ സര്‍ക്കാര്‍ ജില്ലാ ആയുര്‍വേദ ആശുപത്രിയില്‍ സാനിറ്റേഷന്‍ വര്‍ക്കര്‍, കുക്ക് ഒഴിവുകളിലേക്ക് ദിവസവേതന അടിസ്ഥാനത്തില്‍ നിയമനം നടത്തുന്നു. ഏഴാം ക്ലാസ്  അല്ലെങ്കില്‍ തത്തുല്യ യോഗ്യതയുള്ള 50 വയസ്     കവിയാത്തവര്‍ക്ക് അപേക്ഷിക്കാം.  സ്ഥാപനത്തിന്റെ 10 കിലോമീറ്റര്‍ ചുറ്റളവില്‍ താമസിക്കുന്നവര്‍ക്ക് മുന്‍ഗണന. നിയമന കാലാവധി പരമാവധി 89 ദിവസമോ നിലവിലുള്ള ഒഴിവിലേക്ക് സ്ഥിരനിയമനം നടക്കുന്നതുവരെയോ ആയിരിക്കും. ഉദ്യോഗാര്‍ത്ഥികള്‍ ആധാര്‍ കാര്‍ഡിന്റെ പകര്‍പ്പ്, വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റ് സഹിതം നവംബര്‍ രണ്ട് രാവിലെ 10.30 ന് ആശുപത്രിയില്‍ അഭിമുഖത്തിന് ഹാജരാകണം. ഉദ്യോഗാര്‍ത്ഥികള്‍ അന്നേ ദിവസം രാവിലെ 9.30 ന് മുമ്പ് റിപ്പോര്‍ട്ട് ചെയ്യണം. ഫോണ്‍: 04735 231900.

ഗവണ്‍മെന്റ് പ്ലീഡര്‍ നിയമനം

ജില്ലയിലെ മോട്ടോര്‍ ആക്‌സിഡന്റ്സ് ക്ലെയിംസ് ട്രൈബ്യൂണലില്‍ ഗവണ്‍മെന്റ് പ്ലീഡര്‍ തസ്തികയിലെ നിയമനത്തിന് 1978-ലെ കേരള ഗവണ്‍മെന്റ് ലാ ഓഫീസേഴ്സ് (അപ്പോയിന്റ്‌മെന്റ് ആന്റ് കണ്ടീഷന്‍സ് ഓഫ് സര്‍വീസ്) ആന്റ് കണ്ടക്ട്് ഓഫ് കേസസ് ചട്ടങ്ങളിലെ വ്യവസ്ഥകള്‍ പ്രകാരം യോഗ്യരായ അഭിഭാഷകരില്‍ നിന്ന് അപേക്ഷ ക്ഷണിച്ചു. വിലാസം, ജനനതീയതി, മതം, എന്റോള്‍മെന്റ് സര്‍ട്ടിഫിക്കറ്റ്, പ്രവൃത്തി പരിചയം തെളിയിക്കുന്ന രേഖ എന്നിവയുടെ പകര്‍പ്പ്, ഫോണ്‍ നമ്പര്‍, ഇ-മെയില്‍ ഐ.ഡി എന്നിവ ഉള്‍പ്പെടുത്തി ഫോട്ടോ പതിച്ച ബയോഡേറ്റ സഹിതമുള്ള അപേക്ഷ ഒക്ടോബര്‍ 31 നകം കലക്ടറേറ്റ് കാര്യാലയത്തില്‍ സമര്‍പ്പിക്കണം. ഫോണ്‍: 0468 2222515.

വാഹനം ആവശ്യമുണ്ട്

പത്തനംതിട്ട ദാരിദ്ര്യലഘൂകരണ വിഭാഗം പി.എം.എ.വൈ ജില്ലാതല പ്രോജക്ട് മാനേജ്‌മെന്റിലെ ഔദ്യോഗിക ആവശ്യങ്ങള്‍ക്ക് 2017 ലോ അതിനുശേഷമോ ഉള്ള ടാക്‌സി രജിസ്‌ട്രേഷനുള്ള വാഹനം ഡ്രൈവര്‍ ഉള്‍പ്പെടെ ലഭ്യമാക്കുന്നതിന് വാഹന ഉടമകളില്‍ നിന്ന് ക്വട്ടേഷന്‍ ക്ഷണിച്ചു. ഒക്ടോബര്‍ 30 ഉച്ചയ്ക്ക് രണ്ടിനു മുമ്പ് പ്രൊജക്ട് ഡയറക്ടര്‍, ദാരിദ്ര്യ ലഘൂകരണ വിഭാഗം, തദ്ദേശസ്വയംഭരണ വകുപ്പ്, ഒന്നാം നില, മണ്ണില്‍ റീജന്‍സി, സ്റ്റേഡിയം ജംഗ്ഷന്‍, പത്തനംതിട്ട എന്ന വിലാസത്തില്‍ ക്വട്ടേഷന്‍ നേരിട്ട് സമര്‍പ്പിക്കണം. ഫോണ്‍: 0468 2962038.

അര്‍ഹരായ എല്ലാ വോട്ടര്‍മാര്‍ക്കും വോട്ടര്‍പട്ടികയില്‍ പേര് ചേര്‍ക്കാനും തിരുത്തലുകള്‍ വരുത്തുന്നതിനും പട്ടികയിലെ അപാകതകള്‍ പരിഹരിക്കുന്നതിനുമായി 2027 ജനുവരി ഒന്ന് യോഗ്യത തീയതിയായി നിശ്ചയിച്ച് വോട്ടര്‍ പട്ടികയുടെ സ്‌പെഷ്യല്‍ സമ്മറി റിവിഷന്‍ (എസ്.എസ്.ആര്‍) നടത്തുന്നതിന് ഇലക്ഷന്‍ കമ്മീഷന്‍ ഓഫ് ഇന്ത്യ ഉത്തരവ് പുറപ്പെടുവിച്ചു. ഇതനുസരിച്ച് 2026 നവംബര്‍ രണ്ടിനകം പോളിംഗ് സ്‌റ്റേഷനുകളുടെ യുക്തിസഹമായ പുനക്രമീകരണം, നവംബര്‍ 12 നകം കരട് വോട്ടര്‍ പട്ടിക പ്രസിദ്ധീകരിക്കല്‍ എന്നിവ പൂര്‍ത്തിയാക്കണം. അവകാശവാദങ്ങളും ആക്ഷേപങ്ങളും നവംബര്‍ 12 മുതല്‍ ഡിസംബര്‍ 11 വരെ സമര്‍പ്പിക്കാം. ഡിസംബര്‍ 28 നകം ഇവയുടെ തീര്‍പ്പാക്കല്‍ പൂര്‍ത്തിയാക്കണം. അന്തിമ വോട്ടര്‍ പട്ടിക 2027 ജനുവരി നാലിന് പ്രസിദ്ധീകരിക്കും.  

പുതിയ വോട്ടര്‍ രജിസ്‌ട്രേഷന്‍, വിവരങ്ങളുടെ തിരുത്തല്‍, താമസസ്ഥലമാറ്റം, വോട്ടര്‍പട്ടികയില്‍ പേര് ഉള്‍പ്പെടുത്തുന്നതിനോ നീക്കം ചെയ്യുന്നതിനോ ഉള്ള അപേക്ഷകള്‍ എന്നിവ സംബന്ധിച്ച് തിരഞ്ഞെടുപ്പ് കമ്മീഷന്‍ നിര്‍ദേശിച്ചിട്ടുള്ള നടപടിക്രമങ്ങള്‍ പാലിക്കണം. അപേക്ഷകര്‍ നിയമപ്രകാരമുള്ള ഫോം ആറ്, ഏഴ്, എട്ട് എന്നിവ ഓണ്‍ലൈനായി (സിറ്റിസണ്‍ സര്‍വീസ് പോര്‍ട്ടല്‍/വോട്ടര്‍ ഹെല്‍പ്പ്‌ലൈന്‍ ആപ്പ് വഴി) സമര്‍പ്പിക്കണം. അര്‍ഹരായ വോട്ടര്‍മാരെ വോട്ടര്‍പട്ടികയില്‍ ചേര്‍ക്കുന്നതിനായി വില്ലേജ് തലങ്ങളില്‍ ഒക്ടോബര്‍ 31 വരെ ഹെല്‍പ്പ് ഡെസ്‌ക്കുകളുടെ സേവനം ലഭിക്കും.
എസ്.എസ്.ആര്‍ 2027 ന്റെ ഭാഗമായി നടക്കുന്ന പ്രവര്‍ത്തനങ്ങളില്‍ പൊതുജനങ്ങളും രാഷ്ട്രീയ പാര്‍ട്ടികളും ബന്ധപ്പെട്ട ഉദ്യോഗസ്ഥരും സഹകരിക്കണമെന്ന് ജില്ലാ തിരഞ്ഞെടുപ്പ് ഉദ്യോഗസ്ഥന്‍ അഭ്യര്‍ത്ഥിച്ചു. വോട്ടര്‍ പട്ടികയില്‍ പേര് ചേര്‍ക്കുവാനുള്ള അവസരം പൊതുജനങ്ങള്‍ പരമാവധി ഉപയോഗപ്പെടുത്തണമെന്നും ജില്ലാ തിരഞ്ഞെടുപ്പ് ഉദ്യോഗസ്ഥന്‍ അറിയിച്ചു. വോട്ടര്‍പട്ടിക പുതുക്കലുമായി ബന്ധപ്പെട്ട വിവരങ്ങള്‍ക്കും സംശയനിവാരണത്തിനുമായി ബന്ധപ്പെട്ട ബൂത്ത് ലെവല്‍ ഓഫീസറെയോ ഇലക്ടറല്‍ രജിസ്‌ട്രേഷന്‍ ഓഫീസറെയോ സമീപിക്കണം. വിവരങ്ങള്‍ക്ക് ജില്ലാ ഇലക്ഷന്‍ വിഭാഗവുമായി 0468 2224256 നമ്പരില്‍ ബന്ധപ്പെടണം.

.

പുളിക്കീഴ് പോലീസ് സ്റ്റേഷൻ പരിധിയിൽ വളഞ്ഞവട്ടം എന്ന സ്ഥലത്ത് കണ്ടത്തിലെ ചതുപ്പിൽ എട്ടുമാസം പ്രായമുള്ള പെൺകുട്ടിയുടെ മൃതശരീരം കണ്ടെത്തിയ സംഭവം കൊലപാതകം ആണെന്ന് വ്യക്തമായി.
2023 ഓഗസ്റ്റ് 12ന് വൈകുന്നേരം 6 മണിയോടെയാണ് മൃതദേഹം കണ്ടെത്തിയത്. പത്തനംതിട്ട ജില്ലാ പോലീസ് മേധാവി ആർ ആനന്ദ് ന്റെ നിർദ്ദേശാനുസരണം പ്രത്യേക അന്വേഷണസംഘം രൂപീകരിച്ചാണ് അന്വേഷണം നടത്തിയത്. ദീർഘനാളത്തേ അന്വേഷണത്തിനൊടുവിൽ തിരുവല്ല ഡിവൈഎസ്പി സന്തോഷ്‌ PR ന്റെ നേതൃത്വത്തിലുള്ള പ്രത്യേക അന്വേഷണസംഘം കുട്ടിയുടെ അമ്മയും കേസിലെ മൂന്നാം പ്രതിയും ആയ മഞ്ജുവിനെ കണ്ടെത്തി അറസ്റ്റ് ചെയ്തു. പാലക്കാട് കന്നിമാരി മീൻകര എന്ന സ്ഥലത്ത് ചെമ്മണാമ്പതി കോളനിയിൽ ഇസക്കി എന്നയാളുടെ ഭാര്യ മഞ്ജു (38) ആണ് ഇപ്പോൾ പിടിയിൽ ആയത്.പാലക്കാട് മീനാക്ഷിപുരം പോലീസ് സ്റ്റേഷൻ പരിധിയിലുളള മീൻകട ഡാമിന് സമീപമുളള ചെമ്മണ്ണതോട് എസ് ടി കോളനിയിലെ പ്രമോട്ടറും ഇതേ കോളനിയിൽ താമസക്കാരിയും ഇടയ്ക്കിടെ അലഞ്ഞു തിരിഞ്ഞു നടക്കുന്ന നാടോടിയുമായ മഞ്ജു 38 ന് 2023 ൽ താമസസ്ഥലത്ത് നിന്ന് പോകുമ്പോൾ 8 മാസം പ്രായമുള്ള പെൺകുട്ടി കൂടെ ഉണ്ടായിരുന്നു . പിന്നീട് മഞ്ജു മടങ്ങി ചെന്നപ്പോൾ കൂടെയുണ്ടായിരുന്ന കുട്ടിയെ കാണാത്തതിനാൽ സ്ഥലത്തെ ST പ്രമോട്ടർ മഞ്ജുവിനോട് അന്വേഷിക്കുകയും മഞ്ജു കുട്ടിക്ക് എന്ത് സംഭവിച്ചുയെന്ന് വ്യക്തമായി പറയാത്തതിൽ സംശയം തോന്നിയ പ്രമോട്ടർ ഈ വിവരം മീനാക്ഷിപുരം പോലീസ് സ്റ്റേഷനിൽ അറിയിക്കുകയും ചെയ്തു. തുടർന്ന് മഞ്ജുവിനെ പോലീസ് സ്റ്റേഷനിൽ കൂട്ടി കൊണ്ട് പോയി ചോദ്യം ചെയ്തപ്പോഴാണ് കൊലപാതക വിവരം പുറത്തറിയുന്നത്.2023 ൽ മഞ്ജു ഭർത്താവായ എസക്കിയോട് പിണങ്ങി നാടുവിടുകയും ആലപ്പുഴ കളർകോടുളള ഒരു കടയിൽ ഇരിക്കുന്ന സമയം നാടോടിയായ ശിവൻ എന്നയാൾ സമീപിച്ച് മഞ്ജുവിനെയും കൂടെയുണ്ടായിരുന്ന പിഞ്ചു കുഞ്ഞിനെയും നോക്കിക്കൊള്ളാമെന്ന് പറയുകയും ചെയ്തു. അതിന്റെ അടിസ്ഥാനത്തിൽ മഞ്ജു ശിവന്റെ കൂടെ ചങ്ങനാശ്ശേരിയിൽ വരുകയും അവിടെ ശിവനോടൊപ്പം കുട്ടിയുമായി ഒരു കടതിണ്ണയിൽ കഴിഞ്ഞു വരവെ 2023 ഓഗസ്റ്റ് മാസം രാത്രി കുഞ്ഞ് കിടന്ന് കരഞ്ഞപ്പോൾ ശിവൻ ദേഷ്യപ്പെട്ട് കുഞ്ഞിന്റെ കഴുത്തിൽ അമർത്തി കൊലപ്പെടുത്തുകയാണ് ഉണ്ടായത്.
തുടർന്ന് ഇരുവരും ചേർന്ന് ശിവന്റെ അനിയൻ ശക്തി എന്നയാളെ വിളിച്ചു വരുത്തുകയും ശക്തി കൊണ്ടുവന്ന ഒരു സ്കൂട്ടറിൽ ശിവനും മഞ്ജുവും കൂടി കുഞ്ഞിന്റെ ശവശരീരം കടത്തിക്കൊണ്ടുവന്ന് പുളിക്കീഴ് പോലീസ് സ്റ്റേഷൻ പരിധിയിലുളള വളഞ്ഞവട്ടം എന്ന സ്ഥലത്ത് പുല്ല് പിടിച്ചു കിടക്കുന്ന ഒരു ചതുപ്പിൽ ഉപേക്ഷിച്ചു പോവുകയുമാണ് ചെയ്തത്. മീനാക്ഷിപുരം പോലീസ് സ്റ്റേഷനിൽ നടത്തിയ ചോദ്യം ചെയ്യലിൽ മഞ്ജു കുറ്റം സമ്മതിക്കുകയും മൊഴി നൽകുകയും ചെയ്തതിന്റെ അടിസ്ഥാനത്തിൽ മീനാക്ഷിപുരം പോലീസ് സ്റ്റേഷനിൽ എത്തിച്ചേർന്ന പ്രത്യേക പോലീസ് സംഘം മഞ്ജുവിനെ കസ്റ്റഡിയിൽ എടുക്കുകയും പുളിക്കീഴ് പോലീസ് സ്റ്റേഷനിലെത്തിച്ച് വിശദമായി ചോദ്യം ചെയ്യുകയും ചെയ്തു.തിരുവല്ല ഡിവൈഎസ്പി പി ആർ സന്തോഷ്‌ ന്റെ നേതൃത്വത്തിലുള്ള അന്വേഷണ സംഘത്തിൽ
എസ് ഐ ധന്യ എ എസ് ഐമാരായ രാജേഷ് കുമാർ ,സുബി , എസ് സി പി ഒ മാരായ ശ്രീജിത്ത്‌, അജിത , സി പി ഒ മാരായ വിനീഷ് ഗീതു എന്നിവരാണ് ഉണ്ടായിരുന്നത്.ജില്ലാ പോലീസ് മേധാവി ആർ ആനന്ദ് ന്റെ നിർദ്ദേശപ്രകാരം തിരുവല്ല ഡിവൈഎസ്പിയുടെ നേതൃത്വത്തിൽ പ്രത്യേക അന്വേഷണസംഘം രൂപീകരിച്ച് കേസിലെ ഒന്നും രണ്ടും പ്രതികളായ ശിവൻ, ശക്തി എന്നിവർക്കായി ഊർജ്ജിതമായ അന്വേഷണം നടക്കുന്നുണ്ട്. ഇപ്പോൾ അറസ്റ്റിലായ മൂന്നാം പ്രതി മഞ്ജുവിനെ കോടതിയിൽ ഹാജരാക്കി റിമാൻഡ് ചെയ്തു.

ശബരിമലയിലേക്കുള്ള പ്രധാന തീർത്ഥാടന പാതകളിലൊന്നായ മണ്ണാറക്കുളഞ്ഞി–ചാലക്കയം റോഡിൽ തകർച്ചയും സുരക്ഷാ സംവിധാനങ്ങളുടെ അപര്യാപ്തതയും തീർത്ഥാടകർക്ക് ഭീഷണിയാകുന്നു. റോഡിലെ കുഴികൾ, പൂർത്തിയാകാത്ത ഓടകൾ, തകർന്ന സംരക്ഷണ വേലികൾ, പമ്പാനദിയോട് ചേർന്നുള്ള ഭാഗങ്ങളിലെ സുരക്ഷാ സംവിധാനങ്ങളുടെ അഭാവം തുടങ്ങിയ പ്രശ്നങ്ങൾ അടിയന്തരമായി പരിഹരിക്കണമെന്ന ആവശ്യം ഉന്നയിച്ച് റാന്നി എംഎൽഎ അഡ്വ. പഴകുളം മധു റോഡിലെ വിവിധ ഭാഗങ്ങൾ നേരിട്ട് സന്ദർശിച്ച് സ്ഥിതിഗതികൾ വിലയിരുത്തി.
കഴിഞ്ഞ സർക്കാരിന്റെ കാലത്ത് നിർമാണപ്രവൃത്തികൾ നടത്തിയിരുന്നെങ്കിലും റോഡിന്റെ പല ഭാഗങ്ങളും ഇപ്പോൾ തകർന്ന നിലയിലാണ്. റോഡരികിലെ ഐറിഷ് നിർമാണവും ഓടകളുടെ പ്രവൃത്തികളും പലയിടങ്ങളിലും പൂർത്തിയായിട്ടില്ല. റോഡിന്റെ മധ്യഭാഗത്തുതന്നെ കുഴികൾ രൂപപ്പെടുന്നതും പൈപ്പുകൾ പൊട്ടി കിടക്കുന്നതും യാത്രാദുരിതം വർധിപ്പിക്കുന്നു.
കഴിഞ്ഞ പ്രളയകാലത്ത് വെള്ളം കയറി റോഡിന്റെ ചില ഭാഗങ്ങൾ ഇടിഞ്ഞുതാഴ്ന്നിരുന്നു. അപകടസാധ്യത കുറയ്ക്കുന്നതിനായി സ്ഥാപിച്ചിരുന്ന ബാരിക്കേഡുകളും കോൺക്രീറ്റ് സംരക്ഷണ സംവിധാനങ്ങളും പലയിടങ്ങളിലും തകർന്നിട്ടുണ്ട്. പമ്പാനദിയോട് ചേർന്നുള്ള ഭാഗങ്ങളിൽ റോഡിന്റെ വശങ്ങളിൽ മതിയായ സുരക്ഷാ സംവിധാനങ്ങളില്ലാത്തതും ആശങ്ക ഉയർത്തുന്നു.
തുലാമാസ തീർത്ഥാടനകാലത്ത് ഉൾപ്പെടെ ഈ പാതയിൽ നിരവധി അപകടങ്ങൾ ഉണ്ടായ സാഹചര്യത്തിൽ, ഇന്നലെ അപകടമുണ്ടായ സ്ഥലവും എംഎൽഎ സന്ദർശിച്ച് സ്ഥിതിഗതികൾ വിലയിരുത്തി. റോഡിലേക്ക് ചാഞ്ഞുനിൽക്കുന്ന അപകടകരമായ മരങ്ങൾ മുറിച്ചുമാറ്റേണ്ടതിന്റെ ആവശ്യകതയും അദ്ദേഹം പരിശോധിച്ചു.
പല സ്ഥലങ്ങളിലും കാൽനടയാത്രക്കാർക്ക് സുരക്ഷിതമായി നടക്കാൻ പോലും മതിയായ സ്ഥലം ലഭിക്കാത്ത സാഹചര്യമുണ്ട്. ഇത്തരം ഭാഗങ്ങളിൽ ഐറിഷ് നിർമാണം ഉൾപ്പെടെയുള്ള പ്രവൃത്തികൾ ആരംഭിച്ച് പൂർത്തിയാക്കേണ്ടതിന്റെ ആവശ്യകതയും എംഎൽഎ ചൂണ്ടിക്കാട്ടി.
റോഡിലെ പ്രശ്നങ്ങൾ പരിഹരിക്കുന്നതുമായി ബന്ധപ്പെട്ട് ദേശീയപാതയുടെ ചുമതലയുള്ള ഉദ്യോഗസ്ഥനുമായി അഡ്വ. പഴകുളം മധു ഫോണിൽ സംസാരിച്ചു. റോഡിലെ കുഴികൾ അടയ്ക്കുക, തകർന്ന ഭാഗങ്ങൾ പുനർനിർമിക്കുക, ഓടകളും ഐറിഷ് പ്രവൃത്തികളും പൂർത്തിയാക്കുക, പൈപ്പ് തകരാറുകൾ പരിഹരിക്കുക, സുരക്ഷാ വേലികളും ബാരിക്കേഡുകളും പുനഃസ്ഥാപിക്കുക, അപകടകരമായ മരങ്ങൾ നീക്കം ചെയ്യുക തുടങ്ങിയ നടപടികൾ അടിയന്തരമായി സ്വീകരിക്കേണ്ടതിന്റെ ആവശ്യകത അദ്ദേഹം ശ്രദ്ധയിൽപ്പെടുത്തി